Spray Quality

ផ្ញើជូន អតិថិជន 🙏🥰

ហេងៗ🙏❤️
Tel: 0978989104

ជំងឺរលាកគល់រោម (Folliculitis)
1-ជំងឺរលាកគល់រោម(Folliculitis) មានលក្ខណៈជា កន្ទួលក្រហមតូចៗ មានខ្ទុះ រមាស់ ចំកណ្តាលមានរោម។ បើរលាកស្រទាប់ជ្រៅ ដុំពកក្រហមខ្លាំង មានខ្ទុះ ទន់ៗ។ច្រើនកើតលើកន្លែង កោររោម ឬកន្លែងមានការស្ទះគល់រោម កន្លែងមានរោម ដូចជាមុខ ស្បែកក្បាល ឃ្លៀក ចង្ការ តំបន់ក្រលៀន គូថ ទ្រូង ខ្នងផ្នែកខាងលើ។
2-មូលហេតុ: អាចបណ្តាលមកពី មេរោគ បាក់តេរី វីរុស ផ្សិត ឬប៉ារាសិត តែពេលខ្លះមិនបណ្តាលពីមេរោគទេ គឺអាចមកពី ការប៉ះទង្គិចគល់រោម ការរលាកឬការស្ទះគល់រោម ឬឱសថ Steroid។
3-ផលវិបាក: ក្លាយរោគទៅជាធ្ងន់ធ្ងរ ស្នាម សំឡាក ផ្លែសាច់ ជ្រុសសក់ ទំពែកប៉ះពាល់សុខភាពផ្លូវចិត្ត។

ជំងឺអាត់ ឬ កមរមាស់ (Scabies or Gale)

1. លក្ខណៈទូទៅ
• អាត់គឺជាជំងឺសើស្បែកមួយប្រភេទដែលភាគច្រើនជួបនៅតំបន់ដែលមានប្រជាជនរស់នៅច្រើន ផ្ទះសម្បែងចង្អៀត កង្វះអនាម័យ កង្វះទឹកប្រើប្រាស់។
• ជំងឺនេះឆ្លងតាមរយៈការប៉ះពាល់ផ្ទាល់ ឬតាមរយៈសម្លៀកបំពាក់ មុងភួយ...។
• រោគសញ្ញាចម្បងគឺឡើងកន្ទួល ពងទឹកលើស្បែក និងរមាស់ខ្លាំង ។
• ជំងឺនេះបង្កជាការរំខានធ្ងន់ធ្ងរដល់ការរស់នៅ និងអាចបណ្តាលឱ្យមានផលវិបាកដូចជា: ឆ្លងមេរោគ ក្រិនស្បែក កើតត្រអក រលាកតំរងនោមស្រួចស្រាវ ...។

2. មូលហេតុ
ជំងឺអាត់បង្កឡើងដោយបរាសិតមួយប្រភេទមានឈ្មោះថា Sarcoptes scabiei hominis។

3. រោគសញ្ញាវិនិច្ឆ័យ
+ រោគសញ្ញាលើស្បែកដូចជា:
• ពងទឹកលើស្បែក រាត់រាយ ដាច់ពីគ្នា នៅតំបន់ស្បែកស្តើងគៀនៗដូចជា នៅចង្វែកម្រាមដៃ ផ្នត់កដៃ កំភួនដៃ សុដន់ ជុំវិញចង្កេះ រន្ធផ្ចិត ចង្វែកគូទ ភ្លៅខាងក្នុង និងគៀនប្រដាប់ភេទ...។ ចំពោះទារក ពងបែកភាគច្រើកើតនៅលើបាតដៃ និងជើង។
• រន្ធបង្ហុយក្រោមស្បែក ឬ"រូងអាត់" មានប្រវែង 3-5 មីលីម៉ែត្រ។
• កន្លែងខ្លះឡើងជាដុំកន្ទួល ឬកើតជាដំបៅ ឬពងបែកខ្ទុះដោយសារឆ្លងមេរោគ។
• អ្នកជំងឺរមាស់ខ្លាំង ជាពិសេសនៅពេលយប់។

4. ផលវិបាកនៃជម្ងឺ
• ឡើងត្រអក: ស្បែកស្ងួត ក្រហម និងរមាស់ខ្លាំង ងាយប្រតិកម្ម។
• ឆ្លងមេរោគលើស្បែក: ស្បែកកើតពងទឹកឆ្លងរោគកើតជាខ្ទុះ ឬដំបៅ។
• ក្រិន-គ្រើមស្បែក(Lichenification):ដោយសារអ្នកជំងឺអេះរមាស់ច្រើន ធ្វើឱ្យស្បែកក្រាស់ និងឡើងក្រិន។
• រលាកតំរងនោមស្រួចស្រាវ: ចំពោះកុមារដែលមានជំងឺអាត់ឆ្លងមេរោគ ដែលមិនបានព្យាបាល ឬព្យាបាលមិនជាដាច់ជំងឺរើឡើងវិញច្រើនដង។

5. ការព្យាបាល
ក) គោលការណ៍ទូទៅ
• ត្រូវព្យាបាលមនុស្សទាំងអស់ក្នុងសមាជិកគ្រួសារ ក្នុងក្រុម ឬក្នុងថ្នាក់រៀន...ប្រសិនបើរកឃើញមានជំងឺអាត់។
• សំលៀកបំពាក់ មុង ភួយ ខ្នើយ កន្ទេល...ត្រូវបោកអ៊ុតឲ្យបានស្អាត ហាលឲ្យស្ងួត។
ខ) ការព្យាបាលជាក់លាក់
• ថ្នាំលាបមានដូចជា:
+ Gamma benzene 1%
+ Permethrin 5%
+ benzoat benzyl 25%
+ Diethylphtalat (DEP)
* ថ្នាំផ្សេងទៀតអាចប្រើបានដូចជា:
+ ក្រែមស្ពាន់ធ័រ 5-10% : សម្រាប់កុមារ ជាពិសេសអ្នកជំងឺអាយុក្រោម 2ខែ ស្ត្រីមានផ្ទៃពោះ និងបំបៅដោះកូន (មានសុវត្ថិភាព)។
+Crotaminton 10%
(វិធីលាប៖ ងួតទឹកសម្អាតនឹងសាប៊ូ រួចលាបថ្នាំលើដំបៅស្បែក1ដង/ថ្ងៃ ពេលយប់។ បោកគក់ និងសម្ងួតសម្លៀកបំពាក់ មុងភួយឲ្យបានល្អ)
• កមរមាស់ដែលឆ្លងមេរោគប្រើ milian ឬ castellani ។
• ប្រសិនបើឡើងត្រអក ប្រើថ្នាំលាប corticoid រយៈពេល 1-2 សប្តាហ៍។
• ថ្នាំលេប:
+ ថ្នាំ Ivermectin (200µg/kg/dose)។ ហាមប្រើសម្រាប់កុមារអាយុក្រោម 5ឆ្នាំ ស្ត្រីមានផ្ទៃពោះ។
+ ប្រើថ្នាំ Antihistamine កាត់បន្ថយរមាស់។
+ ប្រើអង់ទីប៊ីយ៉ូទិកករណីមានឆ្នងមេរោគ។

6. ការពារជំងឺ
• រក្សាអនាម័យផ្ទាល់ខ្លួនជាប្រចាំ។
• ព្យាបាលជំងឺឱ្យបានឆាប់ ជៀសវាងប៉ះពាល់ និងប្រើប្រាស់របស់រួមគ្នាជាមួយអ្នកជំងឺ។

Ref:
- World Health Organization_Scabies
- Gilson RL, Crane JS. Scabies. [Updated 2022 Aug 1]. In:StatPearls Publishing; 2023 Jan-
- Thomas C, Coates SJ, Engelman D, Chosidow O, Chang AY. Ectoparasites: scabies. J Am Acad Dermatol. (2020) 82:533–48

#ជំងឺរមាស់ឆ្លង (Scabies)

> រមាស់ឆ្លង​ Scabies ជាជំងឺសើស្បែកដែលអាចកើតមានលើមនុស្សគ្រប់វ័យដែលបង្កឡើងដោយសារពពួក ប៉ារាសិតម្យាងទៅលើស្បែក ​ដែលមានឈ្មោះថា Sarcoptes scabiei ។

#រោគសញ្ញានៃ រមាស់ឡើងកន្ទួលពងទឹក ដែលធ្វើអោយអ្នកជំងឺអេះមិនឈប់ ថាកើតមានពេញខ្លួនអ្នកជំងឺ ចាំពិសេស ក្រលៀន ប្រដាប់ភេទ​ ។ ​​

# ការចំលង៖
> ជំងឺនេះឆ្លងតាមរយះការប៉ះពាល់អ្នកជំងឺ ​ឬ​ វត្ថុប្រើប្រាស់របស់អ្នកជំងឺ រួមមានសំលៀកបំពាក់ កំរាលពូក​កន្ទេល​ ខ្នើយ ហើយវាចំលងទៅសមាជិកដែលរស់នៅជុំគ្នា។
> ជំងឺនេះច្រើនជួបប្រទះញឹកញ៉ាប់ លើអ្នកដែលរស់នៅប្រមូលផ្តុំជាក្រុម ជំរុំ។

#វិធីការពារ
> ព្យាបាលមនុស្សក្នុងគ្រួសារ ព្រមទៅជាមួយគ្នា ជៀសវាងការចំលងទៅវិញទៅមក
> កុំប៉ះពាល់ជាមួយអ្នកជំងឺ
> បោកគក់សំអាតសំលៀកបំពាក់ ស្រោមខ្នើយ កំរាលពូក​ ហាលអោយត្រូវពន្លឺថ្ងៃ​។

#សូមអរគុណ! ចំពោះអតិថិជនទាំង25ខេត្ត/ក្រុង ដែលបានកម្ម៉ង់យកប្រើជារៀងរាល់ថ្ងៃ សូមជូនពរជ័យដល់អតិថិជនប្រុស- ស្រី ទាំងអស់ ជួបតែសេចក្តីសុខ សេចក្តីចំរើន សុខភាពល្អ និង សំណាងល្អ គ្រប់ពេលវេលាកុំបីឃ្លៀងឃ្លាតឡើយ🙏🙏🙏🙏🙏❤️❤️❤️❤️❤️៕