SKIN CARE by Sitheng

នៅក្នុងបញ្ជីឈ្មោះផលិតផលទាំង៥ នេះឃើញហើយ គួរឱ្យបារម្ភ សម្រាប់អ្នកប្រើប្រាស់ផលិតផលគ្រឿងសម្អាងរាល់ថ្ងៃនេះ។

កម្រិតសារធាតុបារតដែលក្រសួងបានពិសោធន៍រកឃើញ គឺខ្ពស់ហួសហេតុខ្លាំងណាស់ បើធៀបនឹងកម្រិតស្តង់ដាសុវត្ថិភាពដែលមិនឱ្យលើសពី 1.0 ppm (យោងតាម WHO) ៖

1. N-QUEEN Glow White Lotion: រកឃើញបារត 10.3364 ppm (លើសស្តង់ដា ១០ដង)
2. OG Cosmetics Anti Acne & Whitening Night Cream: រកឃើញបារតរហូតដល់ 3,148.6 ppm (លើសស្តង់ដាជាង ៣,០០០ដង!)
3. KissMe Vitamin Plus Premium Night Cream: រកឃើញបារត 5.2341 ppm (លើសស្តង់ដា ៥ដង)
4. Bliss Night Cream: រកឃើញបារតរហូតដល់ 2,346.0 ppm (លើសស្តង់ដាជាង ២,០០០ដង!)
5. Na Sar Clarity Advance Night Cream: រកឃើញបារត 39.2776 ppm (លើសជិត ៤០ដង) និងអាស៊ីតសាលីស៊ីលិច 2.4% (លើសស្តង់ដា 0.5% ជិត ៥ដង)

#ថ្នាក់បរិញ្ញាបត្រជាន់ខ្ពស់ផ្នែកស្បែកនិងគ្រឿងសម្អាង

អំពីឡេការពារកំដៅថ្ងៃ

➡️ឡេការពារកំដៅថ្ងៃ (Sunscreen) ត្រូវបានបែងចែកជា ២ ប្រភេទធំៗ ផ្អែកលើទម្រង់នៃសារធាតុសកម្ម និងយន្តការការពារស្បែកពីកាំរស្មី UV៖

១. ឡេការពារកំដៅថ្ងៃប្រភេទរូបវន្ត (Physical / Mineral Sunscreen)ឡេការពារកំដៅថ្ងៃប្រភេទនេះធ្វើការដូចជា "របាំងការពារ" នៅលើផ្ទៃស្បែក។ វាឆ្លុះកាំរស្មី UV ត្រឡប់ទៅវិញ និងការពារមិនឱ្យវាជ្រាបចូលទៅក្នុងស្បែក។(មានរូបភាព)

សារធាតុសកម្មចម្បងមានដូចជា ៖ Zinc Oxide និង Titanium Dioxide។

✅គុណសម្បត្តិ៖ ចាប់ផ្តើមការពារភ្លាមៗបន្ទាប់ពីលាប (មិនបាច់រង់ចាំ)។

✅មានឱកាសតិចតួចក្នុងការបង្កការរំខាន ឬប្រតិកម្មស្បែក (Gentle on skin)។

✅ស័ក្តិសមបំផុតសម្រាប់ស្បែកងាយប្រតិកម្ម (Sensitive skin) ស្បែកក្រោយធ្វើឡាស៊ែរ ឬស្បែកក្មេង។

គុណវិបត្តិ៖

❎អាចបន្សល់ទុកស្នាមសៗនៅលើស្បែក (White cast)។

❎មានកម្រាស់ក្រាស់បន្តិច ដែលអាចពិបាកលាយចូលសាច់ស្បែកងងឹត។

២. ឡេការពារកំដៅថ្ងៃប្រភេទគីមី (Chemical Sunscreen)ឡេការពារកំដៅថ្ងៃប្រភេទនេះធ្វើការដូចជា "ប៉ុងជក់" ដោយស្រូបយកកាំរស្មី UV ចូលទៅក្នុងស្បែក រួចបំប្លែងវាទៅជាថាមពលកំដៅ និងបញ្ចេញវាចេញពីស្បែកវិញ។

សារធាតុសកម្មចម្បង៖ Avobenzone, Oxybenzone, Octisalate, Homosalate, និង Octocrylene ជាដើម។

✅គុណសម្បត្តិ៖

✅សាច់ឡេមានភាពស្រាល ងាយស្រួលលាប និងជ្រាបចូលស្បែកបានលឿន។

✅មិនបន្សល់ទុកស្នាមសនៅលើមុខឡើយ (Invisible finish)។

✅ងាយស្រួលប្រើប្រាស់រួមជាមួយការតុបតែងមុខ (Makeup)។

គុណវិបត្តិ៖

❎ត្រូវលាបទុកចោល ១៥ ទៅ ២០ នាទី មុនពេលចេញក្រៅកំដៅថ្ងៃ ទើបមានប្រសិទ្ធភាព។

❎អាចបង្កការរំខាន ឬប្រតិកម្មសម្រាប់ស្បែកដែលស្តើង ឬងាយរងប្រតិកម្ម។

💡 ប្រភេទកាត់ (Hybrid Sunscreen)
បច្ចុប្បន្ននេះ មានការរួមបញ្ចូលគ្នារវាងសារធាតុការពារបែប Physical និង Chemical ចូលគ្នាក្នុងដបតែមួយ ដើម្បីទាញយកចំណុចខ្លាំងរបស់ប្រភេទទាំងពីរ៖ ការពារបានល្អ រហ័ស និងមានសាច់ឡេស្រាលស្រទន់ មិនសក្បុស។

➡️របៀបជ្រើសរើសតាមប្រភេទស្បែក៖
ស្បែកខ្លាញ់/ងាយកើតមុន៖ គួរជ្រើសរើសប្រភេទ Chemical ឬ Hybrid ដែលមានទម្រង់ជា Gel, Fluid ឬ Fluid-cream និងមានពាក្យថា Non-comedogenic (មិនស្ទះរន្ធញើស)។

👉🏻ស្បែកស្ងួត៖ គួរជ្រើសរើសប្រភេទដែលមានលាយសារធាតុផ្តល់សំណើម (ដូចជា Hyaluronic Acid ឬ Glycerin)។

👉🏻ស្បែកងាយប្រតិកម្ម៖ គួរជ្រើសរើសប្រភេទ Physical (Mineral) ដែលមានសារធាតុ Zinc Oxide ព្រោះវាជួយសម្រួលស្បែកបានល្អ។