True Wellness by Sara Karazi

أحيانًا نحنا كأمهات منفكر إنه المطلوب منا بس نهتم بالأطفال
نأكل
نرتب
نربي
ونتحمل

بس الحقيقة الأعمق…
إن أولادنا ما بيحتاجوا أم كاملة
قد ما بيحتاجوا أم مرتاحة من جوّا

لأن الطفل بيشعر بكل شي
بيشعر لما تكوني مضغوطة
مطفية
مهمومة
وبيشعر كمان لما تكوني خفيفة
مبسوطة
وروحك فيها حياة

لهيك الاهتمام بحالك مش أنانية
لما تروّقي جهازك العصبي
لما تضحكي
تلعبي
تبكي وتفرّغي اللي بقلبك
أنتِ فعليًا عم تعطِي أولادك شعور بالأمان

كل ما كنتِ أقرب لحالك
أحنّ على جسمك
وأصدق مع مشاعرك
كل ما انعكس هالشي على بيتك وأطفالك بطريقة ما بتنشرح بالكلام ❤️
My acupuncture mat is from 🤍
I use it daily directly on my skin and it became such a beautiful ritual for me to slow down, relax, and reconnect with my body.
It helps me regulate my nervous system and create little moments of calm in my day.
I truly love it so much 🌸

حطي التليفون على جنب
ارجعي لعقلك
لروحك
لهدفك

كوني واعية
كوني أنتِ القائدة بحياتكو ما تخلي كل شي حواليك يقودك ويستهلكك.

وصدقيني بلحظات الصدق مع نفسك
بلحظات الهدوء يلي ترجعي فيها لإحساسك
أنتِ قادرة تغيري أشياء كتير جواتك بكل حب ❤️

على فكرة القصة مش بس إذا صوتك عالي أو واطي
لأن حتى الصوت الواطي ممكن يكون جاي من خوف
خوف إنّه حدا يسمعني
خوف إنّي أنشاف

بالعمق الموضوع هو إنّك تلاقي الاتزان جواتك
لحتى صوتك يعكس هدوءك الداخلي
لحتى صوتك يطلع من مكان فيه أمان مش خوف

صوتك بيعكس إحساسك
بيعكس راحتك
بيعكس حضورك مع حالك ومع اللي حواليك

فهذا اللي بتمنى منك تلاحظيه
تراقبيه بوعي ولطف
وبتمنى يكون بصوتك أمان وحنية وحب
لإلك… ولأطفالك… ولكل حدا عم يسمعك❤️

تتذكري بس كنتي صغيره شو كنتي بتتمني تشوفي بعيون إمك؟

كل شي ما أخدتي يمكن يكون اصعب شي تعطي.
بس هيك 🙃

كوني حاضرة… حنونة… وعم تتعلمي كل يوم
اغلطي، سامحي حالك، وارجعي بلّشي من جديد
اعملي بيت فيه أمان إلك قبل أي حداولما تهدي جواتك… كل شي حواليك بيهدأ❤️

كري جسمك هو بيتك الأول.
المكان اللي بيرجعك لحقيقتك بدون أي جهد.

لما تتحركي، أنتِ عم ترجعي لنفسك،
وعم تفتحي مساحات جواك يمكن صارت مسكّرة.

ارقضي، غني، تنفسي بعمق، وخليه يحكي.
كل حركة، حتى لو صغيرة، بتفك شي متراكم جواك.

وبس ترقصي وتتحركي مع ولادك،
بينخلق بيناتكن رابط كتير مميز وحلو،
لحظات صادقة، فيها حب وحضور.

ما تفكري بأي حركة،
خلي جسمك يقودك بدون تخطيط.

لما يجي غضب أو ثقل أو شعور مش مفهوم،
روحي لجسمك قبل أي شي.

المشاعر ما بدها تفسير،
بدها مساحة تعيش وتتحرك.

ما تضغطيها، وما تحاولي تتحكمي فيها،
خليها تمر فيك بهدوء.

كل مرة بتسمحي لنفسك تحسي،
أنتِ عم ترجعي أقرب لروحك.
قوليلي بس تتحركي ادي بتتغير طاقتك؟

كتير مهم الإنسان ينتبه إنو اللي عم بيعيشه جواتو، ولادو كمان عم بيعيشوا هالطاقة. طاقة الخوف أوقات بتكون كبيرة لدرجة إنو الإنسان ما بقى يكون واعي لإلها… لدرجة إنو بينسى حتى يتنفس.

بينسى إنو بهيدا النفس الهادئ، الإنسان ما بقى بيكون ضحية لأي شي عم بيصير برا. لأنو الشي الحقيقي الوحيد هو اللي موجود جواتو: إيمانو، قوّتو، صلابتو، وعلاقتو مع الله .

لما الإنسان يرجع لهيدا المكان جواه، بيتذكّر إنو كل شي عم بيصير إلو معنى… ويمكن سبب أكبر من اللي نحنا قادرين نشوفو هلّق.

أوقات، من كتر ما منركض لنكمّل ونبقى واقفين، مننسى نعيش. مننسى حالنا… مننسى روحنا.

فذكّري حالِك:
إنتِ مش بس هون لتتحمّلي الحياة…
إنتِ هون لحتى تعيشيها.

أنا بعرف قديش في شي جواتك عم يحاول يطلع للنور،، وصدقيني لما ترجعي تسمعي لنبضك وتفهمي إشارات جسمك وتقرّبي من نفسك بحنان، شوي شوي بتتعلمي تمسكي حياتك بإيديك، وبتصيري أنت القائدة بدون ما تصرخي، بدون ما تثبتي لحدا شي، بس بهدوء وقوة ناعمة طالعة من أعماقك، ومع الوقت بتعيدي نسج قصة فيها حب حقيقي وسلام صادق وراحة دافية جاية من مساحة مخلوقة جواتك، لأن الحب ما بينزرع إذا أرضه فاضية، والسلام ما بينعاش إذا ما تصالحنا مع حالنا، فتعلمي تطلقي كل خوف وكل تردد عم يمرق من جسمك لفكرك لكلامك، خليهم يمشوا وما يمسكوا فيكي،ومع الأيام بتقوي، ومع الأيام بتصيري أقرب إلك، لحد ما توصلي لمرحلة و تفهمي فيها القوة اللي بتعيشيها مع كل نفس عم تاخديه.❤️

شو أكتر عادة يومية عم تستنزف طاقتك من غير ما تنتبهي؟
الروتين هو الإطار اللي بيخلّي العفوية آمنة

لما يكون في أشياء ثابتة بحياتك
وقت نوم أكل حركة طقوس تهدئة
الجهاز العصبي بيرتاح
وبيصير عنده مساحة يلعب

العفوية ما بتزدهر مع الفوضى
العفوية بتزدهر مع الأمان

لما جسمك يعرف إنو في أرض ثابتة
بيسمح لنفسه يغيّر يجرّب يضحك
يقول اليوم بدي أعمل شي مختلف
من غير توتر ومن غير ذنب

الروتين الذكي هو
ثبات من دون قساوة
تنظيم من دون تحكّم
التزام من دون حرمان

هو إنك تعرفي شو أساس يومك
وتتركي المساحة مفتوحة للقلب
يختار يحس ويتنفّس.

‎كل اللحظات اللي بتعيشيها بحياتك مقبولة
‎لحظات الضعف ،لحظات القوة ،لحظات الفرح ، الحزن، اليأس ، الإنتصار و غيرها
‎تعلمي تعيشي كل الالوان وما تفكري انه لتكوني حياتك سعيدة بدك تعيشي بس لون واحد وتكوني بشكل محدد
‎ما تاخدي من اللي عم بتشوفيه على الانستغرام صورة وتبني حياتك عليها وتقارني
‎عيشي تجربتك الخاص