𝐅𝐋𝐎𝐒𝐒𝐈𝐄 moments

හැමදේම හරි යන්න ඕනෙමද? ✨

අපි ගොඩක් වෙලාවට හිතන්නේ…
ජීවිතය ලස්සන වෙන්න නම් හැමදේම හරියටම සිද්ධ වෙන්න ඕනේ කියලා.

ඒත් ඇත්තටම ජීවිතය එහෙම නැහැ.

සමහර දවස්වල අපි හොඳටම හිනාවෙනවා.
තවත් සමහර දවස්වල හේතුවක්වත් හොයාගන්න බැරිව හිත බර වෙලා ඉන්නවා.

සමහර මිනිස්සු අපේ ජීවිතයට ඇවිත් ලස්සන මතක දීලා යනවා.
තවත් සමහරු අපිට වේදනාව උගන්වලා යනවා.

ඒ හැම අත්දැකීමක්ම අපිව වෙනස් කරනවා.
අපිව තව ටිකක් ශක්තිමත් කරනවා.
තව ටිකක් දැනුමෙන් පිරුණු කෙනෙක් කරනවා.

ඉතින්…
ඔබට හැමදාම ශක්තිමත් වෙන්න බැරි නම් ඒක වරදක් නෙවෙයි.

හැමදාම හිනාවෙන්න බැරි නම් ඒකත් වරදක් නෙවෙයි.

සමහර දවස්වල නවතිලා හුස්මක් අරගෙන, ඔබේ හිතට සවන් දෙන එකත් ජීවිතයේම කොටසක්.

ඔබ අනිත් අය වගේ වෙන්න ඕනේ නැහැ.

ඔබට ඔබේම වේගයෙන් ඉස්සරහට යන්න පුළුවන්.

මලක් හැම එකක්ම එකම දවසේ පිපෙන්නේ නැති වගේ…
මිනිස්සුන්ගේ ගමනත් එකිනෙකාට වෙනස්.

ඒ නිසා ඔබව අනිත් අය එක්ක සසඳන එක නවත්වන්න.

ඔබ අද ඉන්න තැන,
ඔබ විඳපු දේවල්,
ඔබ තවමත් අත් නොහැර ඉන්න එක…
ඒ හැමදේම ඔබ ගැන කියන ලස්සන කතාවක්.

ඔබට ඔබව ආදරයෙන් බලන්න.

ඔබට ඔබව සමාව දෙන්න.

වැරදුණු දේවල්වලට වඩා,
තවමත් උත්සාහ කරන ඔබ ගැන ආඩම්බර වෙන්න.

මතක තියාගන්න…

ජීවිතය කියන්නේ පරිපූර්ණ වීම නෙවෙයි.

අඩුපාඩු එක්කත්,
කඳුළු එක්කත්,
බලාපොරොත්තු එක්කත්,
ඉස්සරහටම ඇවිදින එකයි.

ඒ ගමනේ ලස්සනම මනුස්සයා වෙන්න උත්සාහ කරන්න.
මොකද…
ඔබට වඩා ඔබව රැකබලා ගන්න කෙනෙක් මේ ලෝකේ නැහැ🤍🕊️

“ඔබේ හිතට සැනසීමක් ලැබෙන දවසක් වේවා. 🤍🍃”

✍️ තිළිණි - 𝐅𝐋𝐎𝐒𝐒𝐈𝐄 moments
( උපුටා ගැනිමේදි කරුණාකර කතෘ අයිතිය සුරකින්න )

ජීවිතේ අමාරුම කාලේ ගෙවන ඔයාට ♥️
හැමදාම එකම විදිහට දුක් වෙවී ඉන්න එක නවත්වන්න. අතීතයේ වුණු වැරදීම්, අහිමි වීම් ඔළුවේ තියාගෙන අද දවස නාස්ති කරගන්න එපා. අලුත් දවසක් කියන්නේ ඔයාගේ ජීවිත කතාව අලුතින් ලියන්න ලැබෙන තවත් එක අවස්ථාවක්. ඔයාගේ හීන වෙනුවෙන් මහන්සි වෙන්න. ඔයා හිනාවෙලා සතුටින් ඉන්නකොට මුළු ලෝකයම ඔයාට ලස්සන තැනක් වේවි. ඔයාව වට්ටන්න හදන හැම කෙනෙක්ටම ඔයාගේ සාර්ථකත්වයෙන් සහ ලස්සන සිනහවෙන් උත්තර දෙන්න💛☀️

FLOSSIE moments 💕

゚

මම තවමත් හීන දකින කෙනෙක්…♥️

පුංචි දේවල්වලින් සතුටු වෙන,
හිරු බැස යන අහස බලලා හිනාවෙන,
මල් සුවඳට ආදරේ කරන,
හදවතින්ම ජීවිතේ විඳින කෙනෙක්.

මොකද…
ලස්සන ජීවිතයක් කියන්නේ,
ලොකු දේවල් එකතු කරගන්න එකම නෙවෙයි.

පුංචි මොහොතක්වත් අමතක නොවෙන විදියට ජීවත් වෙන එකයි🌸✨
•
•
•
•
FLOSSIE moments 💕