Fragrant Cloud

تتفكروا أول أستاذ حسّسكم إنكم تقدروا؟ 🤍

مش شرط يكون الأستاذ اللي عطاكم أعلى درجة…
مرات يكون اللي شجعكم لما كنتوا شاكّين في روحكم، أو صبر عليكم، أو قالكم كلمة مزالت عالقة في بالكم لين اليوم.

كبرنا، وتبدلت الفصول والمدارس، لكن فيه أساتذة أسماؤهم مزالت مربوطة بمرحلة كاملة من حياتنا.

واليوم العالمي للمعلمين فرصة بسيطة باش نقولوا:
شكراً لكل أستاذ خلّى أثر حلو في حياة طالب. 🌷

ومرات كلمة «شكراً» وحدها ما تكفيش…
هدية بسيطة ممكن تكون طريقة ثانية نقولوا بيها: «ما نسيتكش». 🤍

لو تبي تهدي أستاذ علّمك، من أول شخص جا في بالك؟

السحابة العطرة | Fragrant Cloud

طابت ولا مزال؟
الجملة اللي كلنا كنا نقولوها فيها كل شوية وإحني نستنو في الغريبة والمقروض يطلعوا من الكوجينة قبل العيد.
ما كناش مستحقين حد يقوللنا إن الريحة حلوة… الحوش كله كان يقولها بروحه. 🤍
مرات هذا علاش ريحة الفانيليا عند بعض الناس مش مجرد ريحة حلوة. تردك للكوجينة، وللناس، ولأيام كنت تستنى فيها العيد وإنت مش قادر تصبر.
Kayali Vanilla 28
بالفانيليا والسكر البني، ياخذنا لنفس الجو الحلو بطريقته.
والفانيليا بالنسبة ليك شن تمثل؟
ريحة حلويات؟
قهوة؟
ولا
ذكرى ثانية؟ 👇
Fragrant Cloud | السحابة العطرة

Yves saint Laurent - Y

تصيرلك لقطة تبخ عطر الصبح وتمشي لمشوارك…
وبعد شوية، وإنت في نص اليوم، تشم ريحة مختلفة شوية عن اللي شمّيتها أول ما بخيته. 🤎
المشكلة مش في خشمك، لا…
لأن العطر يتدرّج، ومع الوقت تبدأ نوتات مختلفة تبان أكثر، وكل مرحلة تعطيك إحساس مختلف.

ومع دخول أكتوبر وتغيير الجو، حتى ذوقنا في العطور يبدأ يتغيّر. 🍂
نميلوا أكثر للروائح الدافئة، لكن مش شرط تكون ثقيلة.

وهنا يجي
Y
Yves Saint Laurent
عطر يجمع بين إحساس منعش ونظيف في البداية، مع جانب أعمق ودافئ من الأخشاب والتونكا.

لأن العطر مش مجرد أول رشة…
أحيانًا أحلى جزء فيه هو شن يصير بعد ما تبخه بشوية.

عصرة قصيرة... لكن تعطل

لعشاق القهوة

خمرة قهوة من لطافة

كود - U91

نتفكر بوي زمان كان عنده طقوس ضرورية كل صبح.
يقعمز في الفيراندا ، و يصب هاضاكا الفنجان الصغير، ومستحيل حد يقدر يكلمه لين يكمل هاضاكا الفنيجيل .
وإحني كنا صغار، نقعدو نستنو في ريحة القهوة هاديكا كل صبح.
قهوة وقرفة، وريحة دافية فايحة في الحوش كله.
كبرنا و هلبا حاجات تغيرت، لكن حاجة واحدة قاعدة ترد فينا لنفس الذكريات.
القهوة
وبمناسبة اليوم العالمي للقهوة، جيناكم بعطر Khamrah Qahwa من Lattafa، نفس الفنجان ونفس اللمة.
أكتوبر بدى… وجو القهوة بدى معاه 🍂
وإنت، شن أكثر ريحة اذكر فيك بحوشكم؟ ☕

قلوبنا مع فرسان ليبيا. ⚽🇱🇾

نتمنولكم التوفيق في مشواركم في تصفيات كأس أمم إفريقيا.

لما الجو يبدأ مش مفهوم
Sospiro - Vibrato
لا صيف لا خريف ... لا خفيف ولا قوي
ويمشي مع الزوز
صبح ولا عشية
خدمة ولا طلعة
رجالي ولا نسائي
وعندنا بطاقة وحوالة وكاش