Next Level Business Academy

MORA NY MIKASA, SAROTRA NY MANAO.
Maro no mahay miteny.
"Hanomboka business aho."
"Hianatra aho."
"Hiova aho."
Fa rehefa tonga ny fotoana hanaovana azy...
Mangina.
Ny tontolo tsy manome valisoa ny drafitra.
Ny tontolo manome valisoa ny olona manao action.
Ny nofy tsy tanteraka amin'ny teny.
Tanteraka amin'ny asa.

NY TAHOTRA DIA MPAMPIASA NOFY MAIMAIM-POANA.
Firy ny nofy efa nalevina noho ny fehezanteny hoe:
"Aleo aloha miandry..."
Miandry fotoana.
Miandry vola.
Miandry olona.
Miandry vintana.
Fa ny marina dia tsy niandry ianao...
Natahotra ianao.
Ny tahotra no mpangalatra lehibe indrindra amin'ny fahombiazana.
Tsy maka ny volanao izy.
Tsy maka ny talentanao izy.
Fa mangalatra ny fahasahianao hanomboka.
Aleo tsy lavorary nefa manomboka, toy izay lavorary ao an-tsaina fotsiny.

RAHA TSY MANANA TANJONA, DIA HANAMPY NY TANJON'NY HAFA ENAO.
Mifoha maraina.
Miasa tontolo andro.
Reraka rehefa hariva.
Fa rehefa manontany tena hoe:
"Inona marina no naoriko ho an'ny tenako?"
Mangina ny valiny.
Maro no mandany ny fotoanany hananganana ny nofin'ny hafa, nefa tsy manokana fotoana hananganana ny nofiny.
Raha tsy manoratra ny tanjonao ianao, dia hisy olona hanoratra ny andraikitrao ao anatin'ny tanjony.
Ny fotoana dia tsy miverina.
Manàna tanjona mazava.
Satria raha tsy izany, dia ho fitaovana hanatanterahana ny tanjon'ny hafa ianao.

NY OLO-MARO MANDANY TAONA MITADY LALANA FOHY.
Mitady vola mora.
Mitady business mora.
Mitady fahombiazana mora.
Farany...
Very taona maro.
Ny olona mahomby tsy mitady lalana fohy.
Mitady lalana marina.
Mianatra.
Mampihatra.
Mamerina.
Maharitra.
Izay ihany.
Raha misy lalana fohy mankany amin'ny fahombiazana dia efa nahomby daholo ny olona rehetra.
Ny asa no mbola lalana tokana.

NY FAHANGINANAO INDRAY MANDRAINDRAY NO VALINTENY MAHERY INDRINDRA.
Tsy voatery hamaly ny olona rehetra ianao.
Tsy voatery hiditra amin'ny ady rehetra.
Satria misy olona tsy mitady fahamarinana.
Mitady hampandany ny fotoananao fotsiny.
Ny olona hendry tsy mandany angovo amin'ny adihevitra tsy mitondra vokatra.
Mangina.
Miasa.
Mahomby.
Dia ny vokatra no mamaly.
Ny tabataba mahasarika olona.
Ny vokatra mahasarika fanajana.

TSY MAMPIHEMOTRA ANAO NY OLANA, FA NY FOMBA FIJERINAO AZY.
Olana iray.
Olona roa.
Ny iray mitaraina.
Ny iray mitombo.
Inona no maha samy hafa azy?
Tsy ny olana.
Fa ny fomba fijery.
Ny olona mahomby dia mahita lesona.
Ny olona resy dia mahita fialan-tsiny.
Ny olana rehetra dia mety ho dingana iray mankany amin'ny fahombiazana.....raha manaiky hianatra amin'izany ianao.
Ovay ny fomba fijerinao dia hiova ny fiainanao.

NY OLO-MAHOMBY TSY MIFANINANA, FA MAMORONA.
Mandany fotoana mijery mpifaninana ve ianao?
Izy kosa amin'izay fotoana izay...
Mamorona vokatra.
Mianatra.
Manao marketing.
Mitady mpanjifa.
Izay no maha samy hafa.
Ny olona antonony mifaninana.
Ny olona lehibe mamorona tsena.
Aza mifantoka amin'izay ataon'ny hafa.
Mifantoha amin'izay olana azonao vahana.
Tsy ny mpifaninana no mampanan-karena anao.
Ny lanja entinao no mampanan-karena anao.

REHEFA TONGA NY VOLA DIA MIVOAKA NY TOETRA TENA IZY.
Aza miteny hoe:
"Raha manankarena aho dia hiova."
Diso izany.
Ny vola tsy manova olona.
Ny vola no mampiseho izay efa tao anatiny.
Raha tia mizara ianao dia vao mainka hizara.
Raha tia manambany olona ianao dia vao mainka hiseho izany.
Izany no antony tokony hanangananao toetra matanjaka alohan'ny hanangonanao vola be.
Satria rehefa mitombo ny vola dia mitombo koa izay ao anatinao.
Amboary aloha ny toetra.
Hanaraka ho azy ny harena.

TSY NY HAKIVIANA NO MAMONO NOFY, FA NY FANEMORANA.
"Rahampitso aho hanomboka."
Io fehezanteny io no nandevenan'ny olona maro ny nofiny.
Rahampitso...
Rehefa manana fotoana.
Rehefa manana vola.
Rehefa vonona.
Ary tampoka teo...
Lasa herintaona.
Lasa dimy taona.
Lasa folo taona.
Fa mbola eo ihany ilay nofy.
Ny fiainana tsy miandry olona.
Raha mbola manemotra ianao, misy olona hafa efa manao ilay noeritreretinao.
Ny fotoana tsara indrindra hanombohana dia omaly.
Ny fotoana manaraka tsara indrindra dia anio.

AZA MIKASA HO MANANKARENA. MIKASÀ HO TSY MIANKINA.
Ny tanjona dia tsy hoe hanana vola fotsiny.
Ny tanjona dia ny hahafahanao misafidy ny fiainanao.
Misafidy ny ora iasanao.
Misafidy ny toerana hipetrahanao.
Misafidy ny olona hiarahanao.
Izay no atao hoe fahaleovantena ara-bola.
Aza atao tanjona ny hampiseho vola.
Ataovy tanjona ny tsy hangataka alalana amin'olona vao afaka miaina.
Ny vola dia fitaovana.
Ny fahaleovantena no tena tanjona.