Htwe

Relationship တစ်ခုကို ဘယ်မိန်းကလေးမှ လွယ်လွယ်နဲ့ လက်မလွှတ်ချင်ကြပါဘူး။ ဒါပေမဲ့ ဒီအချက် ၅ ချက်နဲ့ ကြုံလာရပြီဆိုရင်တော့ ဘယ်လောက်ပဲ ချစ်ခဲ့ချစ်ခဲ့ လမ်းခွဲဖို့ကိုပဲ ရွေးချယ်သွားတတ်ကြပါတယ်။✅

🌿၁။ ဂရုစိုက်မှုနဲ့ တန်ဖိုးထားမှု မရှိတော့တာ

အစပိုင်းမှာတော့ ပန်းသီးတောင် အခွံနွှာကျွေးမတတ် ဂရုစိုက်ခဲ့ပေမဲ့ ကြာလာတော့ ဘာပဲလုပ်လုပ် အရေးမပါသလို ဆက်ဆံခံရတာမျိုးပါ။ ကိုယ့်ရဲ့ ခံစားချက်၊ ကိုယ့်ရဲ့ ကြိုးစားမှုကို တန်ဖိုးမထားတော့ဘူးလို့ ခံစားရရင် မိန်းကလေးတွေ စိတ်ကုန်လာကြပါတယ်။

🌿၂။ သစ္စာဖောက်တာ ဒါမှမဟုတ် ယုံကြည်မှု ပျက်စီးတာ

ယုံကြည်မှုဆိုတာ တည်ဆောက်ရတာ ခက်ပြီး ဖျက်ဆီးရတာ သိပ်လွယ်ပါတယ်။ နောက်ကွယ်မှာ လျှို့ဝှက်ချက်တွေ များလာတာ၊ လိမ်ညာတာ ဒါမှမဟုတ် တခြားသူတစ်ယောက်နဲ့ ရှုပ်ထွေးတာမျိုးတွေက ဆက်ဆံရေးတစ်ခုကို ချက်ချင်း အဆုံးသတ်သွားစေပါတယ်။

🌿၃။ ရည်မှန်းချက်နဲ့ အနာဂတ် အမြင်မတူတော့တာ

တစ်ယောက်က အနာဂတ်အတွက် ကြိုးစားနေချိန်မှာ နောက်တစ်ယောက်က ဘာရည်မှန်းချက်မှမရှိဘဲ ဆိုရင် ရေရှည်မှာ ဘယ်လိုမှ သွားလို့မရပါဘူး။ အနာဂတ် မရေရာတဲ့ ဆက်ဆံရေးမှာ ဘယ်သူမှ မမြှုပ်နှံချင်ကြပါဘူး။

🌿၄။ Toxic ဖြစ်လာတာနဲ့ စိတ်ဒဏ်ရာပေးတာ

အမြဲတမ်း ပြဿနာရှာတာ၊ ကိုယ့်ကို အပြစ်ပဲ တင်နေတာ၊ စိတ်ဓာတ်ကျအောင် ပြောဆိုပြုမူတာမျိုးတွေက လူကို ရုပ်ပိုင်းရော စိတ်ပိုင်းပါ နွမ်းနယ်စေပါတယ်။ ကိုယ့်ကိုယ်ကိုယ် မပျော်ရွှင်တော့ဘူးလို့ သိလိုက်ရတဲ့အခါ ထွက်သွားဖို့ ဆုံးဖြတ်လိုက်ကြပါတယ်။

🌿၅။ ပူးပေါင်းဆောင်ရွက်မှု မရှိဘဲ တစ်ယောက်တည်း ရုန်းကန်ရတာ

ချစ်သူနှစ်ယောက် ကြိုးစားရမယ့် ဆက်ဆံရေးမှာ ကိုယ်တစ်ယောက်တည်းပဲ အမြဲတမ်း လိုက်လျောနေရ၊ ထိန်းသိမ်းနေရတယ်လို့ ခံစားရရင် အရမ်းပင်ပန်းပါတယ်။ အဆင်မပြေမှုတွေကို အတူတူ မဖြေရှင်းချင်တော့တဲ့အခါ လက်လွှတ်လိုက်တာကပဲ အကောင်းဆုံး ဖြစ်သွားပါတယ်။

မိန်းကလေးတစ်ယောက်ရဲ့ နှုတ်ဆက်ထွက်ခွဲမှုဟာ ချက်ချင်း ဖြစ်လာတာ မဟုတ်ပါဘူး။ အကြိမ်ကြိမ် သည်းခံ၊ ခွင့်လွှတ်ပြီးမှ နောက်ဆုံး ထွက်သွားတာမျိုးပါ။ ဒါကြောင့် အနားမှာ ရှိနေတုန်း အကောင်းဆုံး တန်ဖိုးထားကြပါနော်။

ချစ်ခြင်းဖြင့်မျှဝေပါတယ်♥️

မေမေအလောင်းလျာ မမဗိုက်တွေအတွက် ဆွဲသားဝမ်းဆက်