nay myo

လူတယောက်ဟာ သူ့ဘဝတည်ငြိမ်ဖို့
တစ်ဘဝလုံးမှာ ၅ နှစ် အချိန်ရတယ်။
အဲ့ဒီ ၅ နှစ်က အသက် ၃၅ နဲ့ ၄၀ ကြားရှိတဲ့
၅ နှစ်ပဲ။

အဲဒီ ၅ နှစ်မှာ မနားမနေကြိုးစားတဲ့သူရှိတယ်။
အဲ့ဒီ ၅ နှစ်မှာ သာမန်လို ဖြတ်သန်းတဲ့သူရှိတယ်။
အဲ့ဒီ ၅ နှစ်ပြည့်လို့ အသက် ၄၀ ကျော်တဲ့အခါ
အဲ့ဒီ ၅ နှစ်က လုပ်ရပ်တွေက လူတယောက်ဘဝ
ဘယ်လိုဖြစ်မလဲ ဆုံးဖြတ်ပေးသွားတယ်။

ကိုယ်ပိုင်လုပ်ငန်း တည်ထောင်နိုင်သူတွေက
ကိုယ်ပိုင် စနစ်တကျ ဖြစ်တည်သွားသလို
ဝန်ထမ်းအဖြစ် ထူးချွန်သူတွေကလည်း ဝန်ထမ်း
အဖြစ် ရပ်တည်သွားကြတယ်။
Artist အဖြစ် အောင်မြင်သူတွေလည်း ရှိသလို
ပင်စင်သက်တမ်းသာ မျှော်ရတဲ့သူတွေလည်း
ရှိလာတယ်။

အသက် ၄၀ ကျော်တဲ့အခါ အရာအားလုံးက
အသက် ၄၀ မတိုင်ခင် လုပ်ခဲ့တဲ့အရာတွေကြောင့်
ကောင်းရင်လည်း တည်မြဲတယ်
ဆိုးရင်လည်း ဆိုးတဲ့အတိုင်း တည်မြဲလာတယ်။
ဒါက ဘဝနဲ့ရတဲ့ ဘဝနဲ့ရင်းခဲ့တဲ့ အကြောင်းအရာမို့
အသက် ၃၅ နဲ့ ၄၀ ကြားဟာ ဘဝအတွက် အရမ်း
အရေးကြီးကြောင်း သိစေချင်တယ်။

သင့်ရဲ့ ၄၀ ကျော် ဘဝအကျိုးပေးက
အသက် ၃၅ မှာ သင်ဘာလုပ်ခဲ့လဲ အပေါ်
မူတည်တယ်။

သား သမီးကို
သခင်လို မထားပါနဲ့
****************
ဖတ်ကြည့်နော်

မိဘအရှိန်အဝါနဲ့ တောက်ပနေတဲ့
သား သမီးတွေ
ကိုယ်ရည်ကိုယ်သွေး မရှိဘဲ
လူ့ပတ်ဝန်းကျင်မှာ များလွန်းတာက

မိဘတွေရဲ့
အပြစ်မကင်းဘူးဆိုတာကို
မိဘတွေကိုယ်တိုင်က
လက်မခံကြပါဘူး။

မိဘတွေက
ချွေးစက်တွေကြားမှာ
ရုန်းကန်နေပေမဲ့

သား သမီးကျတော့
တောက်ပနေတာ

ငယ်စဉ်ကတည်းက
သင်ယူသင့်တာတွေကို
သင်ယူခွင့် မပြုကြဘဲ
မျက်မမြင်က ပြတဲ့လမ်းကို
ပေးလျှောက်နေသလို

ကိုးရိုးကားရားနဲ့
ဘဝမှာ ကူရာမဲ့ ကယ်ရာမဲ့
ဖြစ်သွားကြတဲ့ မိသားစုတွေ
ပြောမကုန်ပါဘူး။

သား သမီးတွေကို
လောကကြီးမှာ
ကြုံရမယ့် အမှန်တရားကို
သိခွင့်မပေးဘဲ
ကြီးပြင်းလာဖို့ ခွင့်မပြုသင့်ပါဘူး။

သား သမီးနဲ့ မိဘကြားက
မေ တ္တာ တရားကို
မှန်ကန်တဲ့နည်းလမ်းနဲ့ပဲ
ချပြပေးသင့်ပါတယ်။

သား သမီးကို
သခင်လို ထားပြီး
မိဘက ကျွန်လိုနေကာ
ရေခပ်ပေးတာက အစ
ခြေထောက် မလှမ်းရ
မကြွရတော့တဲ့အထိ
ဖူးဖူးမှုတ်နေတာက
သား သမီးကို
ဖျက်ဆီးနေကြတာပါ။

စာပဲ ကျက်ပါ ဘွဲ့ရအောင် လုပ်ပါ
ဆိုပြီး
ဘာမှကို ပေးမလုပ်ဘူး။

မရှိ ရှိတာလုပ်ပြီး ဆင်ပေးတယ်။

မိဘရဲ့
အပူအပင် သောကတွေကို
ဘာမှ သိခွင့်မပေးဘဲ
လိုအပ်သမျှကို
ဖြည့်ဆည်းပေးနေတာမျိုးက
ကလေးရဲ့
လူ့အသိဉာဏ်ကို ပျက်စီးစေလို့ပါပဲ။

ကလေးရဲ့Intelligent ကို
ဖျက်ဆီးတဲ့မိဘက
Education ကို
ဘယ်လောက် ထည့်ပေးထည့်ပေး
ဘာမှ အသုံးမဝင်နိုင်သလို

ကလေးရဲ့ ဘဝအတွက်
တာဝန်ယူတဲ့စိတ်
တာဝန်သိတတ်တဲ့စိတ်
Safe-Care ဆိုတဲ့
ကိုယ့်ကိုယ်ကို
ဂရုစိုက်နိုင်ခြင်းကနေ

အများကို ဂရုစိုက်ခြင်းကိုလည်း
သိနားလည်ခွင့် ပြုမထားရင်

အတ္တကြီးတဲ့
လူတစ်ယောက်ဖြစ်အောင်
ကလေးရဲ့ဘဝကို သတ်နေတဲ့သူက
မိဘတွေပါပဲ။

သက်တောင့်သက်သာနဲ့
ကြီးပြင်းလာတဲ့
ကလေးဖြစ်အောင် မထားပါနဲ့။

ဘာမှ အပူအပင်မရှိတဲ့ ကလေးက
ရုန်းကန်တတ်ဖို့ကို
ဘယ်တော့မှ
သင်ယူဖို့ မဖြစ်နိုင်လို့ပါ။

ကလေးကို
ငယ်စဉ်ဘဝတည်းက
ချစ်လွန်းလို့
ထမင်းဝါးပြီး ခွံ့ရင်တောင်
ကလေးက မြိုချမှ
ဗိုက်ပြည့်နိုင်မယ် ဆိုတာလေးတော့
နားလည်ခွင့် ပြုကြပါ။

အမှားနဲ့ အမှန်ကိုလည်း
ခွဲခြားဖို့မတတ်နိုင်တဲ့ ကလေးဖြစ်အောင်

ခြေကောင်း လက်ကောင်းနဲ့
ဒုက္ခိတဖြစ်အောင်
ကလေးကို အဆိပ်မခတ်ကြပါနဲ့။

မိဘအပေါ်
သား သမီး
သိတတ်ခြင်း/မသိတတ်ခြင်းက
မိဘရဲ့
မှန်ကန်တဲ့ ပျိုးထောင်မှုအပေါ်
မူတည်ပါတယ်။

လူ့ဘဝ ရပ်တည်နည်းကို
အမှန်တရားအတိုင်း ချပြပါ။

စိတ်ကောင်း စိတ်မြတ်ထားခြင်း
ကိုယ့်တန်ဖိုးကို သိတတ်ခြင်း
ကိုယ့်ကိုယ်ကို
မှန်မှန်ကန်ကန် ချစ်တတ်အောင်
သင်ယူခွင့် ပြုပါ။

မိဘဆိုတာ
သေတတ်တဲ့ သူတွေမို့
လောကကြီးထဲ
ကျန်ခဲ့မယ့် ကလေးကို
အောက်ခြေခိုင်အောင်

လူ့ဘဝထဲ
မှန်ကန်တဲ့ စိတ်ကောင်းစိတ်မြတ်နဲ့
ရပ်တည်နိုင်အောင်

အခြေခံ
စိတ်ကောင်းစိတ်မြတ်တွေကို
ငယ်စဉ်ဘဝတည်းက
ထည့်ပေးထားကြဖို့
အကြံပြု တိုက်တွန်းလိုက်ပါတယ်။

သား သမီး မြေးတွေကို ချစ်ရင်
အလိုမလိုက်ပါနဲ့။

သူ့ကိုယ်သူ အားကိုးတတ်အောင်
လေ့ကျင့်ပေးပါ။

စိတ်ဓါတ်ခိုင်မာအောင်
ပျိုးထောင်ပေးပါ။

ပညာကို တန်ဖိုးထားတတ်ပါစေ

ကြိုးစားလိုစိတ် ရှိပါစေ

အကောင်းမြင်တဲ့ စိတ်လေးတွေ
အမြဲရှိနေပါစေ

သူတစ်ပါးကို စာနာစိတ်
ကူညီလိုစိတ် ထားတတ်ပါစေ

သည်းခံ ခွင့်လွှတ်တတ်ပါစေ

မိဘ ဆရာသမားတွေကို
ရိုသေ တန်ဖိုးထားတတ်ပါစေ