Fairy By Thazin

မိသားစုဆိုတာ စစ်မြေပြင်မဟုတ်ပါဘူး။

မိသားစုဆိုတာ နွေးထွေးမှု၊ နားလည်မှုနဲ့ ချစ်ခြင်းမေတ္တာနဲ့ ပြည့်နှက်နေရမယ့်နေရာ။ ဒါပေမဲ့ တချို့မိသားစုတွေမှာ အိမ်ဟာ စစ်မြေပြင်လိုဖြစ်နေတတ်ပါတယ်။ စကားတစ်ခွန်းကနေ ပေါက်ကွဲမှုတွေဖြစ်ပြီး အပြစ်တင်သံတွေ၊ အော်ဟစ်ငြင်းခုံမှုတွေနဲ့ ပြည့်နှက်နေတတ်တယ်။ ဒီလိုအခြေအနေကို ဘယ်လိုဖြေရှင်းမလဲ?

👉 ပဋိပက္ခဖြစ်စေတဲ့ အဓိကအကြောင်းအရင်း

ပြဿနာရဲ့အရင်းအမြစ်က “သိမြင်မှုဆိုင်ရာတောင့်တင်းမှု” (Cognitive Rigidity) လို့ခေါ်တဲ့ ခေါင်းမာမှုပါ။

🔷 တစ်ယောက်နဲ့တစ်ယောက် နားမထောင်ဘဲ
ကိုယ့်ယုံကြည်ချက်ထဲမှာ ပိတ်မိနေကြတယ်။

🔷 အသေးအဖွဲကိစ္စလေးကနေ ကြီးမားတဲ့ရန်ပွဲတွေအထိ ဖြစ်ပေါ်တတ်တယ်။

🔷 တစ်ယောက်ရဲ့အားနည်းချက်ကို ထိုးနှက်ပြီး
အနိုင်ယူဖို့သာ ကြိုးစားကြတယ်။

🔷 မိဘတွေရဲ့ အဆိုးမြင်အမူအကျင့်တွေကို ကလေးတွေဆီ လက်ဆင့်ကမ်းပြီး ပြဿနာတွေ ဆက်လက်ဖြစ်ပေါ်နေတယ်။

ဒီစက်ဝိုင်းကို ဘယ်လိုဖြတ်တောက်မလဲ?👇

စိတ်ပညာရှင် Stephen Covey ပြောသလို “လူအများစုက နားလည်ဖို့ နားထောင်တာမဟုတ်ဘဲ ပြန်ပြောဖို့သာ နားထောင်ကြတယ်”။ ဒါကြောင့် ဖြေရှင်းနည်းကရိုးရှင်းပါတယ်။

💠 နားထောင်ပါ။ တကယ်ကို နားထောင်ပါ။
💠 တစ်ဖက်သားရဲ့ခံစားချက်တွေကို နားလည်အောင်ကြိုးစားပါ။

💠 ပြန်ငြင်းခုံတာကို ရပ်ပါ။ ဘယ်သူမှန်တယ်ဆိုတာကို သက်သေပြဖို့ မလိုပါဘူး။

💠 ပါးစပ်ပိတ်ပြီး ငြိမ်ပါ။ တစ်ခါတလေ တုံ့ပြန်မှုမလုပ်ဘဲ ငြိမ်သက်နေတာက ပေါက်ကွဲမှုတစ်ခုကို တားဆီးနိုင်ပါတယ်။

💠 ကိုယ့်ကိုယ်ကိုယ် ပြန်ဆန်းစစ်ပါ။ ကိုယ့်ရဲ့အားနည်းချက်တွေကို လက်ခံပါ။

နိဂုံးချုပ်

မိသားစုဆိုတာ စစ်မြေပြင်မဟုတ်ပါဘူး။
“ငါမမှားဘူး” ဆိုတဲ့ အတင်းအကြပ်တွေးထင်မှုကို စွန့်လွှတ်ပြီး နားလည်မှုနဲ့ ပြောင်းလဲမှုကို လက်ခံမယ်ဆိုရင် ပိုမိုသာယာတဲ့ မိသားစုဘဝကို တည်ဆောက်နိုင်မှာပါ။

#မိသားစုဆက်ဆံရေး #ပဋိပက္ခဖြေရှင်းနည်း #နားလည်မှုနဲ့ချစ်ခြင်း #မိသားစု #နားလည်မှု #အိမ်

တတုံးဝယ်ရင် မျက်နာသစ်သီးသန့်

ကိုယ်တိုက်သီးသန့်ဝယ်စရာမလိုတဲ့

2. Way ဆပ်ပြာလေး တတုံးဆို

အကြာကြီးသုံး မာမာကျစ်ကျစ် အတုံးလေး👇👇👇


#အိမ်ရောက်ငွေချေ

#09795251119

အဲ့လို 👇👇👇အဲ့လို တွေဖြစ်နေရင်လည်း

သုံးကြည့်လိုက် စိတ်ညစ်တာတွေကို

ပြေပြောက်သွားစေမဲ့အတုံးလေးပါ👇👇👇


#အိမ်ရောက်ငွေချေ

" #အပူငြိမ်းဖို့အတွက် #ရေချိုးနည်းနှင့်ခေါင်းလျှော်နည်း"

#အပူငြိမ်းဖို့အတွက် ဘာလုပ်ရမလဲဆိုတာ ဆရာကြီးက ပြောချင်တယ်။ ရေကို စနစ်တကျ သုံးပါလို့ ပြောချင်တယ်။ ရေဟာ ဘာကို ငြိမ်းစေသလဲ။ အပူကို ငြိမ်းစေတာပါ။ ရေကို အထင်မသေးလိုက်ပါနဲ့လို့ ပြောချင်ပါတယ်။

#ရှေးအခါက ပြောခဲ့တဲ့ စကားလုံးတစ်လုံးကို ဆရာကြီးက အခုဒီမေးခွန်းတွေ ပြန်ဖြေရင်း ပြန်ဖြေရင်းနှင့် တန်ဖိုး ပိုထားတတ်လာတယ်။ ဒီစကားလေးနော်။ ဟယ် .. ရေတိမ်မှာ နစ်တာပဲလို့ ပြောတယ်နော်။ ရေတိမ်မှာ နစ်တယ်ဆိုတာ တကယ်တမ်းတော့ တင်စားပြီးပြောတာ။ ရေတိမ်မှာ နစ်တယ်ဆိုတော့ ဘယ်သေနိုင်ပါ့မလဲ။ ဥပမာ - ခြောက်လက်မလောက်ရှိတဲ့ လေးလက်မလောက်ရှိတဲ့ ရေတိမ်လေးထဲ နစ်လို့တော့ မသေနိုင်ပါဘူး။

#ပြောချင်တဲ့အနှစ်သာရက ကိုယ့်အိမ်ထဲမှာ ရှိတဲ့ရေကို စနစ်တကျ မသုံးစွဲတတ်တာ။ စနစ်တကျ မသောက်တတ်တာ။ စနစ်တကျ မချိုးတတ်တာ။ ဒါကြောင့် အလကား
ရတဲ့ရေကို တန်ဖိုးနည်းတယ်ဆိုပြီး တန်ဖိုးလျှော့မတွက်ပါနှင့်။ တန်ဖိုးကို ချမတွက်ပါနှင့်။ အသုံးတည့်အောင် သုံးပေးပါလို့ ပြောချင်ပါတယ်။


#ဘယ်လို သုံးရမယ်လဲဆိုတာလေး ပြောချင်တယ်နော်။ ဒါလေးက် … “မသိရင် ကျယ်ပါတယ်။ သိရင် လွယ်ပါတယ်။ မသိသူက ကျော်သွားတာ၊ သိသူက ဖော်စားတာပေါ့။” ဒါလေးတော့ ညွှန်းပြောချင်တယ်နော်။ “ရေမှ တစ်ပါး ဆေးမရှိ” လို့ ။ အဲဒီရေကို ဘယ်လို သုံးရမှာလည်းလို့မေးရင် ရေချိုးနည်းလေး ပြောပြပါမယ်။

#ရေချိုးနည်း
------------

ရေမချိုးခင် ရေကို ပါးစပ်ထဲမှာ ငုံမယ်။ ပြန်ထွေး ထုတ်မယ်။ ဘာတွေ ပါသွားမယ်ထင်လဲ။ အပူတွေပါသွားမယ်။ ပြီးရင် လက်ခုပ်ထဲမှာ ရေလေး ထည့်မယ်။ မျက်လုံးလေးကို အဲဒီလက်ခုပ်ထဲမှာ ကျင်းပေးမယ်။ မှိတ်လိုက် ဖွင့်လိုက်ပေါ့။ မျက်လုံးထဲက အပူတွေ ပါသွားမယ်။ အပူတွေရော၊ အညစ်အကြေး ဖုန်တွေရော ပါသွားမှာပေါ့နော်။
သေချာခံစားကြည့်ရင် ရေကို ငုံပြီးတော့ ကိုယ့်ရဲ့လက်မောင်းတစ်နေရာ ပြန်ထွေးကြည့်လိုက်။ နည်းနည်းလေး ပူတယ်။ အဲဒါက ဘယ်ကပါလာတာလဲ… ခံတွင်းထဲက။ ဒါဆိုရင် ဒီလိုလေး လုပ်တာနဲ့ကို ဒေါ်ထွေးကြည်ရဲ့ ငယ်ထိပ် မခံမရပ်နိုင်အောင် ပူတယ်ဆိုတာ ပိုဆိုးသွားစရာ အကြောင်းရှိလား။ မုချ သက်သာသွားနိုင်သလား။ သက်သာသွားမှာပါ။ သာမန် သက်သာသွားမှာလား။ မုချ သက်သာသွားမှာလား၊ မုချ သက်သာသွားမှာပါ။ အကုန်အကျများလား။ မများပါဘူးနော်။

အဲဒါလေးကို ပြီးပြီဆိုတော့မှ လက်ခုပ်ထဲ ရေလေးထည့်ပြီး နှာခေါင်းလေးထဲကို အသာလေးမော့ပြီး ထည့်လိုက်။ နှာသီးဆိုတာ နှာခေါင်းရဲ့ သုံးပုံနှစ်ပုံလောက်မှာ ရှိတယ်။ ဆိတ်ခွာ ပုံသဏ္ဌာန် ရှိတယ်။ အဲဒါလေး ထိပြီဆို မွှန်ထူသွားတာပဲ။ ပူနေတာကိုး။ ပူနေတဲ့ အိုးတစ်အိုးကို ရေနှင့် ပတ်ကြည့်။ ရှဲခနဲဆို ပူသွားတယ်။ ရေလေးသွင်း၊ တစ်ခါ ပြန်ညှစ်ထုတ် (၅)ကြိမ်စီလောက်၊ ပါးစပ်ကလည်း ငုံမယ်။ နှာခေါင်းကိုလည်း ရေလေးထည့်မယ့်။ မျက်စိကိုလည်း ရေနဲ့ ပုတ်ခတ်၊ ပုတ်ခတ် လုပ်မယ်။ ပြီးရင် နားထဲတော့ ရေသွားမထည့်နဲ့နော်။ နားထဲမှာ နားအုံ ရှိတယ်။ နားအုံကို ရေလေးနှင့် နည်းနည်းဆွတ်ပေးမယ်။ အဲသလို လုပ်ခြင်းအားဖြင့် အပူတွေ လျော့နေပြီ။


ဒါတွေပြီးလို့ ခန္ဓာကိုယ်ကို ရေလောင်းတော့မယ်ဆိုလည်း အရမ်းမလောင်းလိုက်ပါနဲ့။ စနစ်တကျ ဘယ်ခြေထောက်ကို ရေအရင်လောင်းကြည့်ပါ။ ပြီးရင် ညာဘက်လက်ကို လောင်းပါ။ ဘယ်ခြေညာလက် လောင်းတာကလည်းပဲ နောင်အခွင့်သာရင် အကျယ်ပြောမယ်နော်။ လောင်းတာချင်းအတူတူ အဲသလို လောင်းကြည့်ရင် အပူ သိသိသာသာ လျော့စေပါတယ်။

ဥပမာ- အပူချိန် ( ၁၀၃ - ၁၀၄ ) လောက်ဖြစ်လို့ တက်တော့မယ့်ကလေးလည်း ဘာမှ မလုပ်နှင့်။ သနပ်ခါးရေကျဲကျဲလေးကိုသာ ဘယ်ခြေ၊ ညာလက် နှစ်ကျော့လောက် လိမ်းကြည့်လိုက်။ အလိုလို အပူချိန်က ငြိမ်ပြီး ကျလာမယ်။ သွေးသိပ်တိုးနေတဲ့သူ ဘာဆေးမှ မသောက်နဲ့။ ဘယ်ခြေ၊ ညာလက်ကို ရေလေးလောင်းပြီးတော့ သနပ်ခါးသာ လိမ်းကြည့်လိုက်။ ပြန်ပြီး တိုင်းကြည့်လိုက်ပါ။ ဒါက ဆရာကြီးတို့ စာအတွေ့ကြုံရော၊ ဘဝအတွေ့ကြုံရော၊ ကုထုံးအတွေ့အကြုံရော ပေါင်းစပ်ပြောနေတာလို့ တလေးတနက် ဒေါ်ထွေးကြည် နားလည်စေချင်တယ်နော်။


အခုက ဘာအကြောင်းပြောနေလဲဆို ရေအသုံးအကြောင်း ပြောနေတာနော်။ သူ့ရဲ့ အပူတွေငြိမ်းဖို့အတွက်ပါ။ ပြီးတော့မှ ဖြည်းဖြည်းလေးချင်း လက်ဖျား၊ တံတောင်ဆစ်၊ လက်မောင်း၊ ခြေအစွန်၊ တံတောင်ဆစ် အဲသလို အေးအေးဆေးဆေးနဲ့ ရေလောင်းပြီး ချိုးပေးလို့ရှိရင် ဒေါ်ထွေးကြည်ရဲ့ ကျန်းမာရေးဟာ ရေမှ တစ်ပါး ဆေးမရှိပါဘူးလို့ အဲဒီအပူကို လျော့ချင်ပါတယ်ဆိုရင် မေးခွန်းတစ်ခု လှမ်းမေးကြည့်ချင်တယ်။ ငယ်ငယ်က ငရုတ်သီးထောင်းလို့ မျက်စိထဲ ဝင်သွားရင် အမေ (သို့ ) အဒေါ်ရေ . . . သား/သမီး တော့ မျက်စိထဲ ငရုတ်သီးဝင်သွားပြီဆိုရင် အမေတို့၊ အဒေါ်တို့ ဘယ်ကို ရေလောင်းခိုင်းလဲ။ ခြေမကို ရေလောင်းခိုင်းတယ်။ သိပ်ကို အဓိပ္ပာယ်ရှိတယ်။

အပူရဲ့သဘာဝက လျှောက်သွားတယ်၊ စီးသွားတယ်၊ ဟတ်သွားတယ်။ အခြေခံ ရူပဗေဒသိပ္ပံဘာသာအရ အပူတွေဟာ တစ်နေရာကနေ တစ်နေရာကို လျှောက်တယ်၊ စီးတယ်၊ ဟတ်တယ်ပေါ့။ ဥပမာ - မီးပုံရှိတယ်။ ခမ်းလှမ်းလှမ်းမှာ ထိုင်နေရင်တောင် လာဟတ်နေတာ။ ရေနွေးအိုးတစ်အိုး မီးပူပေးထားရင် တည်စက ရေကို လက်ညှိးလေး ထောက်ကြည့်။ လုံးဝ မပူဘူး။ တော်တော်ကြာရင် ရေက အပူစီးလာတယ်။ ဟိုး . . . ခပ်လှမ်းလှမ်းမှာ ဆယ်ပေလောက်သံချောင်းကြီး အဖျားတစ်ဖက်ကို မီးပုံထဲ ထည့်ထားမယ်။ ကြာရင် အပူကဘယ်ရောက်လာလဲ။ ဒီဘက်ထိပ်အထိ စီးလာတယ်။ အပူစီးလာတာ။ အပူ လျှောက်လာတာ။


ကိုယ့်မှာ အရိုးတွေ ရှိတယ်။ သွေးတွေ အသားတွေ ရှိတယ်။ အရိုးတွေထဲ အပူလျှောက်လာမယ်။ သွေးတွေ သားတွေထဲ အပူစီးလာမယ်။ ဒါကြောင့်မို့ ခြေထောက်ကို ရေလောင်းလိုက်ရင် အပေါ်ကပူတာ သက်သာမယ်။ ဒါအပူတွေ အောက်ကို ဆင်းတာ။ မေးခွန်းလေးက မခံမရပ်နိုင်အောင် ပူနေတာဆိုတော့ အဲဒီအပူတွေ အောက်ကို တစ်ချက်လှည့်ပေးရမှာပေါ့နော်။

#ခေါင်းလျှော်နည်း
----------------

ရေချိုးတာနှင့် ခေါင်းလျှော်တာအပေါ်မှာ တစ်ခုသတိထားရပါမယ်။ ခေါင်းလျှော်ပြီးမှ ဘယ်တော့မှ ရေမချိုးပါနှင့်။ ရေချိုးပြီးမှ ခေါင်းလျှော်ပါ။ နောက်တစ်ခုက ရေချိုးခါနီးလေးမှာ ခြေဖဝါးကို ဆားပွတ်ပြီးမှ ရေချိုးပါလို့ ပြောချင်ပါတယ်။ ဆားက ဘာလဲဆို အပူစုပ်တယ်။

ရေခဲမုန့်လုပ်တဲ့သူတွေဆိုရင် အပြင်မှာ ဆလင်ဒါကြီးတစ်ခု ရေခဲတွေ။ အတွင်း ဆလင်ဒါကြီးတစ်ခုထဲမှာတော့ ရေခဲမုန့်တွေပေါ့။ ဆလင်ဒါဆိုတာ အိုးကြီးနှစ်ခုပေါ့။ အတွင်းဆလင်ဒါကို ကလိကလှည့်နှင့် လှည့်ပေးတဲ့အခါ စလင်ဒါနှစ်ခုကြားက ရေခဲတွေ ချက်ချင်းပျော်တာပေါ့။ ပူတာကိုး။ အဲဒီတော့ အဲဒီအပူကို စုပ်နိုင်မှ ရေခဲချက်ချင်း မပျော်မှာမို့ ရေခဲပေါ် ဆားလေးတင်လိုက်တယ်။ ရေခဲပေါ် ဆားတင်လိုက်ရင် မပျော်တော့ဘူး။ ထွက်သမျှအပူ ဆားကစုပ်ယူတာကိုး။

အဲဒီဥပမာကို ယူသောအားဖြင့် ဆားနဲ့ ခြေဖဝါးကို ပွတ်ရင် အပူ ဘယ်ကိုလာစုလဲ။ အောက်ဘက်ခြေဖဝါးကို လာစုတာပေါ့။ အခိုးတွေ အောက်ကို လှည့်သွားတာပေါ့။ အဲဒီအခါ ဒေါ်ထွေးကြည် သိပ်ကိုခံစားနေရတဲ့ ငယ်ထိပ်အပူဆိုတာဟာ ပိုက်ဆံဘယ်လောက်ကုန်သလဲ။ မကုန်ပါဘူးနော်။ အကုန်အကျမများဘဲနဲ့ အခြေခံအစုံရမယ့် ကျန်းမာရေးပါလို့။ နည်းနည်းလေး နားကြီးကြီးနှင့် နားထောင်ကြည့်ပါ။ အကုန်အကျမများဘဲနဲ့ တစ်မျိုးသာလုံးကျန်းမာရေး၊ တစ်မျိုးသားလုံး ဒီလို ရေကိုသာ တန်ဖိုးရှိရှိ အသုံးချတတ်မယ်ဆိုရင် လူတွေရဲ့ ကျန်းမာရေးဟာ ပိုမိုကောင်းမွန်လာမှာပါ။

ဒါကြောင့်မို့လို့ ရှေးအခါက ဆရာကြီးတစ်ပါးပြောခဲ့တဲ့ စကားလုံးလေးကို ဘာသာပြန်လိုက်တာ။ နောင်သောအခါမှာ အပူတွေများတဲ့ခေတ်ကိုရောက်ရင် ရေမှ တစ်ပါး ဆေးမရှိဘူးတဲ့။

ရေကို တစ်နေ့ကို သာမန်ဖန်ခွက် ( ၅ ) ခွက်ကနေ ( ၇ )ခွက်လောက်ထိ သောက်မယ်။ ရေကို စနစ်တကျ ချိုးမယ်။ ရေကို ငုံမယ်ဆိုရင် အပူအကြောင်းခံပြီးဖြစ်နေတဲ့ရောဂါတွေ ပိန်းကြာရွက်တွင် ရေမတင်သကဲ့သို့ ပျောက်မှာပါလို့ပြောကြားရင်း နိဂုံးချုပ်ပါတယ်။

အစာဝ၊ အနာကင်း၊ ဘယာရှင်း - ကြပါစေ။
#ကျန်းမာရေးဗဟုသုတရကြပါစေ



ဆရာကြီးဦးရန်အောင်

🥒🍋 သခွားသီး၊ ဂျင်း၊ ပူဒီနာ၊ သံပရာရည်ကို နေ့စဥ်သောက်သုံးသင့်တဲ့ အကြောင်းရင်းကောင်းများ 💧✨

တစ်ခါတလေ သင်တွေးဖူးပါသလား......?

🥰 ဒီရိုးရှင်းတဲ့ရေတစ်ခွက်ကနေ သင့်ကျန်းမာရေးကို ပြောင်းလဲပေးနိုင်တယ်ဆိုတာ ဘယ်တုန်းကမှ မတွေးထားခဲ့ဖူးဘူးမလား။

🥰 ဒီရေက ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်တယ်၊ စွမ်းအင်တွေတိုးစေတယ်၊ အသားအရေကို ကြည်လင်တောက်ပစေတယ်၊ ပြီးတော့ ခံတွင်းလည်း ရှင်းသွားစေပြီး Spa သွားသလို လန်းဆန်းတဲ့အရသာကိုလည်း ပေးနိုင်ပါတယ်...!!! 😍

🥰 ဒီအထူးဖျော်ရည်က "သခွားသီး၊ ဂျင်း၊ ပူဒီနာနှင့် သံပရာရည်" ဖြစ်ပြီး ဒီသဘာဝဖျော်ရည်မှာ အာဟာရဓာတ်တွေ၊ ဗီတာမင်နှင့် (အန်တီအောက်ဆီးဒင့်) ဓာတ်တိုးဆန့်ကျင်ပစ္စည်းတွေ အပြည့်အစုံပါဝင်ပါတယ်။

🥰လူအများစုက ဒီရိုးရှင်းတဲ့ ဖျော်ရည်ကို လျစ်လျူရှုထားကြတယ်ဆိုပေမယ့် ရလဒ်ကတော့ မျှော်လင့်ထားတာထက် ပိုကောင်းတဲ့ရလဒ်တွေက အံ့မခန်းပါပဲ! 🌿🍋

🥤👉 အိမ်မှာ အလွယ်တကူ ပြုလုပ်နိုင်တဲ့ ပါဝင်ပစ္စည်းများ.....

* သခွားသီး ½ လုံး (ပါးပါးလှီးထားပါ) 🥒

* ဂျင်း လက်မဝက်ခန့် (ခြစ်ထားပါ သို့မဟုတ် လှီးထားပါ)

* ပူဒီနာရွက် လက်တစ်ဆုပ်စာ 🌱

* သံပရာသီးတစ်ခြမ်းမှ ရရှိသော သံပရာရည် 🍋

* ရေအေး ၁-၂ လီတာ

🧊 ပြင်ဆင်နည်း အလွန်လွယ်ကူပါတယ်......။

* သခွားသီး၊ ဂျင်း၊ ပူဒီနာရွက်နဲ့ သံပရာရည်တို့ကို ရေဘူး
ထဲထည့်ပါ။

* ရေထည့်ပြီး ပါဝင်ပစ္စည်းတွေ ရောစပ်သွားအောင် ညင်
သာစွာမွှေပေးပါ။

* ရေခဲသေတ္တာထဲမှာ ၁ နာရီခန့် အေးအောင်ထားပါ။
(ဒါမှမဟုတ် တစ်ညလုံးထားရင် ပိုမွှေးပါလိမ့်မယ်)။

* ပြီးရင် တစ်နေ့တာလုံး သောက်သုံးနိုင်ပြီး ရေကုန်သွားရင်
ရေထပ်ဖြည့်ပြီး သောက်သုံးနိုင်ပါတယ်။

💡 နောက်ထပ် အထူးအကြံပြုချက်များ.........

* ပိုလန်းဆန်းစေတဲ့အရသာ ထပ်လိုချင်လား....?

လိမ္မော်သီး ပါးပါးလှီးထားတာလေးတွေ ဒါမှမဟုတ်

နနွင်းအနည်းငယ် ထည့်ကြည့်ပါ။ 🍊🧡
* ရေခဲသေတ္တာထဲမှာ အမြဲဆောင်ထားဖို့ အကြံပြုလိုပါတယ်။

နေ့စဉ်သောက်ဖို့ အဆင်ပြေပါတယ်။

ဒီဖျော်ရည်က ရေငတ်ပြေရုံတင်မကဘဲ စွမ်းအင်ဖြည့်တင်းပေးတယ်၊ ကိုယ်ခံအားကို မြှင့်တင်ပေးတယ်၊

အဆိပ်အတောက်တွေကို ဖယ်ရှားပေးပြီး သင့်အသားအရေကို အတွင်းကနေ အပြင်အထိ ကြည်လင်တောက်ပစေပါတယ်။ 🌟

တစ်နေ့တစ်ခွက် စမ်းသောက်ကြည့်ပါ။ သင့်ကျန်းမာရေးဟာ သင်အံ့သြရလောက်အောင် ပြောင်းလဲသွားပါလိမ့်မယ်...!!!

✨ကျန်းမာရေး ကောင်းဖို့ဆိုတာ သင်နေ့စဉ်လုပ်ဆောင်တဲ့ အရာငယ်လေးတွေကနေ စတင်ပါတယ်။💕🥰

#မူးရင်းပိုင်ရှင်များကိုလည် Credit ပေးပါတယ်

ဒီဟင်းသီးဟင်းရွက် (၃) မျိုးကို မကြာခဏစားပေးပါ...
အူလမ်းကြောင်းကို သက်သောင့်သက်သာဖြစ်စေမယ်...

ခါးသက်သက်အရသာရှိတဲ့ ကြက်ဟင်းခါးသီး၊ စိမ်းဖန့်ဖန့်အရသာရှိတဲ့ ခရမ်းသီးနဲ့ ချွဲကျိကျိအရသာရှိတဲ့ ရုံးပတီသီးတို့လိုမျိုး ရိုးရှင်းတဲ့ ဟင်းသီးဟင်းရွက်တွေကို နေ့တိုင်းလိုလို တွေ့နေရတက်ပေမဲ့ သတိမထားမိတက်ကြပါဘူး။ တကယ်တော့ ဒီဟင်းသီးဟင်းရွက်တွေကို မကြာခဏစားပေးမယ်ဆိုရင် ခန္ဓာကိုယ်ကျန်းမာရေးကို ကောင်းကောင်း ဂရုစိုက်ပေးနိုင်တဲ့ အကျိုးကျေးဇူးတွေ ရှိပါတယ်။

ကြက်ဟင်းခါးသီး......။
အစကတော့ တော်တော်များများက သူ့ရဲ့ ခါးသက်သက်အရသာကို မကြိုက်ကြပါဘူး။ ဒါပေမဲ့ စားရင်းနဲ့ အသားကျသွားရင် ဗိုက်ထဲ ပေါ့ပါးသွားပြီး လေးပင်မှု မရှိတော့ဘူးလို့ ခံစားရပါလိမ့်မယ်။ အရင်ခေတ်လူကြီးတွေကတော့ ဟင်းချိုတွေ ဒါမှမဟုတ် ငပိရည်နဲ့ တို့စားတဲ့ဟင်းတွေမှာ အများအားဖြစ် ထည့်ပြီး စားသုံးကြပါတယ်။

ခရမ်းသီး.....။
လတ်လတ်ဆတ်ဆတ် ကြွပ်ကြွပ်လေးနဲ့ အရသာရှိပါတယ်။ ငပိရည်နဲ့ တို့စားတာပဲဖြစ်ဖြစ်၊ ကြော်စားတာပဲဖြစ်ဖြစ် ကောင်းကောင်း လိုက်ဖက်ပါတယ်။ ဒါအပြင် အစာအိမ်နဲ့ အူလမ်းကြောင်းအစာခြေစနစ်ကိုလည်း ပိုမို ချောမွေ့စွာ အလုပ်လုပ်နိုင်အောင် ကူညီပေးပါတယ်။

ရုံးပတီသီး.......။
ရုံးပတီသီးအရှည်လေးတွေကို ရေနွေးဖျောလိုက်တဲ့အခါ ကြွပ်ကြွပ်လေးနဲ့ နူးညံ့သွားပါတယ်။ ငရုတ်သီးဆော့စ်၊ ငပိရည်နဲ့ တို့စားလို့ရသလို မနက်ပိုင်းမှာ ရေနွေးနဲ့ပြုတ်ပြီးလည်း သောက်သုံးနိုင်ပါတယ်။ ရုံးပတီသီးက အူလမ်းကြောင်းကို ကောင်းကောင်း အလုပ်လုပ်စေပြီး တစ်နေကုန် ဗိုက်ကို သက်သောင့်သက်သာဖြစ်စေပါတယ်။

ဒီဟင်းသီးဟင်းရွက် ၃ မျိုးကို ပုံမှန်စားသုံးခြင်းဖြင့် ခန္ဓာကိုယ်ကျန်းမာရေးကို အလွယ်တကူ ဂရုစိုက်နိုင်ပါတယ်။ ရှာရခက်တာမျိုးမရှိသလို ဈေးကြီးတာမျိုးလည်း မရှိပါဘူး။ ဘယ်လိုစားရမယ်ဆိုတာကို သိနားလည်ရုံနဲ့တင် အများကြီးအထောက်အကူဖြစ်စေပါတယ်။..


#ကျန်းမာရေး