Daavuun mask

Сармагчингууд эрдэнэ шишийн талбайгаас хөөдөг байсан хүн нас барсныг сонсоод маш их баяр хөөр болж баяр тэмдэглэж бөөн юм болцгоожээ. Дараа жил нь эрдэнэ шиш огт ургаагүй бөгөөд идэх юм юу ч байхгүй учир их хэмжээгээр өлбөрөн өлсөж үхэж эхлэх тэр үедээ тэд үхсэн хүн тариачин гэдгийг сая л ойлгов.
Ямар ч нөхцөлд бүх хүмүүстэй хамт амьдарч сур. Та заримыг нь үгүйсгэж, үзэн яддаг бол магадгүй тэр хүн нь танд хэрэгтэй цорын ганц багана гэдгийг хожуу ойлгох харамсал битгий тээгээрэй.
Бүх дайснууд дайсан биш. Зүгээр л төсөөллийн дайснууд юм.
Бие биенээ хайрлацгаая!

ЯМАР Ч ШААРДЛАГАГҮЙ ДАЙСАН ӨӨРТӨӨ БҮҮ ҮҮСГЭЖ БАЙ 😒
"ҮЗЭН ЯДАЛТЫН ОРОНД ХАЙРААР ДҮҮРГЭ ӨӨРИЙГӨӨ" (copy)

ӨЧИГДРИЙН ӨӨРИЙГӨӨ УУЧИЛ🤗
ӨНӨӨДРИЙН ӨӨРИЙГӨӨ ХАЙРЛА🙆🏻‍♀️
МАРГААШИЙН ӨӨРИЙГӨӨ БҮТЭЭ 💪🔥

Балжинням,Дашням давхцсан намрын дунд сарын шинийн 16-ны билигт сайн өдрийн мэндийг хүргэе

Бие биенээ хайрлаж,хүндэлдэг байгаарай

Ёстой үнэн сайхан дом олж уншлаа

МОНГОЛ ДОМ

Аранзал ган тулганыхаа аманд шар тос амсуулж домнодог
Арслантай бор авдрынхаа цуурганд хүрэл цүү чагталж домнодог
Алдуул малынхаа тэгш заяаг аяганд хоргол хөмөрч домнодог
Асгасан цагаан сүүнийхээ буяныг магнайдаа адислаж домнодог
Би домогт итгэдэг монгол
Би домын шившлэгтэй монгол

Үүднийхээ сахиусыг нохойгоор мануулж домнодог
Хойморийнхоо буяныг бурхнаар сахиулж домнодог
Эмтэрхий шаазанд цай аягалдаггүй, зовлонгоо хүнээс харамлаж домнодог
Эсгэсэн торгонд толбо суулгадаггүй, гоёлоо бусдаас нууж домнодог

Сарны сүүдэр нүүрэнд тусгахгүй гэж өрхөө хошуулдаж домнодог
Нарны хор нүдэнд тогтохгүй гэж өөрийгөө ариулж домнодог
Сайхан өвгөдөө нутаглуулахдаа босгондоо мод гишгэж домнодог
Сайны ерөөл хүсэхдээ тотгондоо мэс хавчуулж домнодог

Давхил холын харгуйд дөрөөндөө сүүн мялаалгатай монгол
Далны хуудасны махаар дөрвөн үйлийг гэтэлж домнодог
Лусын нүд гэмтчихнэ гэж морио бэл рүүгээ аргамжиж домнодог
Лхамын цангаа тайлагдана гэж тотгондоо мөс залж домнодог

Хасын тамга сэвтчихнэ гэж сүлдний гал асааж домнодог
Хосын заяа ээдчихнэ гэж бөгжний хээ ижилсүүлж домнодог
Би домогт итгэдэг монгол
Би домын шившлэгтэй монгол

Болохгүй сүүдрийн чимээ үргээж хүүгийнхээ бойтгонд хонх зүүж домнодог
Бор амьдралын сэв арилгаж охиныхоо хөлсрөхийг давсаар ширгэлж домнодог
Энэ төр болохгүй бол эцгийнхээ малгайгаар сүлд дуудаж домнодог
Эр хүн болохгүй бол эхийнх нь хөхөөр хийморь хурайлж домнодог

Хөлд нь хий орчихвол өвсөөр чөдөр зангидаж домнодог
Сэтгэлд нь сэв суучихвал өргөлөөр хүсэл дуудаж домнодог
Тагнайгаа хаттал цангасан ч сүүний шанага горхинд дүрэхгүй хөх усыг домнодог
Ташуургүй шуурганд төөрвөл малгайн бүч сэтэлж хүглэгэр уулсыг домнодог

Тангад ном мэдэхгүй ч тарнитай сахиус зүүж хар хүчийг домнодог
Тавилан төөрөгөө мэдэхгүй ч нүүдлийн зүг тооноо залж цагаан хүчийг домнодог
Овооны чулууг хормойноос нь өргөж өөдлөхийн цээрийг домнодог
Огт үгүй хоосоны чинь цээрийг олзонд боож домнодог

Хар шөнөөр цагаан идээ гаргахгүй гэж хатавчиндаа ус дусааж домнодог
Харьд мордогсодод улаан нүгэл үзүүлэхгүй гэж цагаан хадаг очирлож домнодог
Одгүй үдшээр бор халзан туулай өлгийдөж үрээ энэрч домнодог
Одтой шөнөөр чагтаганыхаа үзүүрт устай бортого зүүж үзүүргүй салхийг домнодог

Арц гангын үнэрээр гэрийн зэв арилгаж домнодог
Адуу малын хэвтрээр газрын хий үргээж домнодог
Эрлийн хүний төөрөлдөөг дөчин нэгэн чулуугаар домнодог
Элээсэн амьдралын гэмийг зуун найман эрхиэр домнодог
Эгэл нандин биеийг есөн эрдэнийн чулуугаар домнодог
Энэ тавилангийн төөргийг ерөөлийн цэнхэр хадгаар домнодог

Үзэсгэлэнт гоо охидынхоо сайхныг нүгэлгүй нүдээр дурлаж домнодог
Үйлийн үргүй сайхан эрсийнхээ заяаг сэвгүй сэтгэлээр хайрлаж домнодог
Арвайн чинээхэн биеэ би аргалын галаар домнодог монгол
Алгын чинээхэн орчлонгоо би ассан дөлөөр нь ариулдаг монгол
Би домогт итгэдэг монгол
Би домын шившлэгтэй монгол...

Ваня Нэргүй

Copy
Жил бүр сануулж тавьдаг пост 😆
Улирал солигдож байгаа үед мөн хүүхдүүд олноор нэг дор цугларч байгаа энэ үед ямарч сайн дархлаатай хүүхэд нэг нэгнээсээ ханиадны вирус аваад байдаг. Яг ийм үед аяга сүүнд + атга хушны самар хийгээд /ястай / буцалгаад самраа шүүж аваад сүүгээ халуун бүлээнээр нь унтахын өмнө хамгийн багадаа 3 орой дараалан өгвөл нэн тустай байдаг. Миний хүүхэд өвдвөл таны хүүхэд өвдөнө, таны хүүхэд өвдвөл миний хүүхэд өвдөнө, хүүхдүүдээ эрүүл байлгая ээж аавуудаа ❤️❤️❤️
/ Жич: намар самар аваад хөлдөөж хадгалаад дараа жил хүртэл хэрэглэдэг юмаа/

Хүнд ярих юм, ярихгүй юм гэж бий. Тоглоом наргиа хийж болох зүйл, болохгүй зүйл гэж бий. Далжигнах бас дутах үе бий. Дотноссон ч хүндлэлийн зураас, дотно биш байлаа ч хүлээн зөвшөөрөх түвшин гэж бас бий. Доош нь хийсэн ч үнэт зүйлийг нь тойроод гарах ухаан, дээш нь магтаж хөөргөлөө ч шүүмжлэх зориг гэж бий..
• Энэ бүгдийг ойлгох, хэвшүүлэх, түгээх мэдрэмж, ухаан, сэтгэл 3 таньд, надад, бид бүгдэд бий! ”
Гоё” хүн байгаарай.. Гэнээ.
Таалагдаад энэ хэсгийг хуулчихлаа.