Sound Rout Mongolia

УУЛ ТАХИДАГ БОЛСНЫ УЧИР.
Эрт урьд цагт хүмүүс энэ дэлхийд амьдрах нутаг үгүй, уух ус үгүй, газар тэнгэрийн савслагад тэнүүчлэн амьдарч байжээ.
Тэгтэл Доод тивийн тамын амьтад бослого гаргаж, уул усны эзэд рүү халдан довтолжээ. Тэдний хөл хүрсэн газар өвс үгүй болж, гар хүрсэн гол хатан, амьсгалаас нь агаар хордож, тэнгэр улайсан, ой мод шатаж, ан амьтад дайжин одов гэнэ.
Уул усны эзэд, лус савдагууд олон жил эсэргүүцэн тулалдсан ч тамын амьтдыг дийлж эс чадав. Тэгтэл нэгэн хатан зоригт бүсгүй:
– Уул усыг хамгаалан, Тамын амьтдыг хөөн явуулж, Лус савдагуудад тусалъя хэмээн хүмүүст хандан, зүг бүрт зар тараажээ.

Түүний үгийг сонсоод, анчид нумаа агсаж, дархчууд сэлмээ ирлэж хоножээ. Бөө удгад эцэг өвгөдөөсөө зам мөрөө асуун даатгаж, хүн бүр уул усны эздийн хамтаар тулалдаанд эрслэн орохоор шийджээ.

Дөчин есөн өдөр, дөчин есөн шөнийн турш их тулаан болов. Эцэст нь тамын амьтдыг Доод тив рүү хөөн буцааж, уул усаа аварчээ. Төд удалгүй гол мөрөн эргэн ирж, өвс ногоо сэргэн, тэнгэр цэлмэж, ан амьтад ирж гэнэ. Тэр бүхнийг үзээд, уул усны эзэн савдагууд баярлан, хүмүүст хандан ингэж айлджээ.
– Хүмүүс та нар нэр төртэй тулалдлаа. Өнөөдрөөс эхлэн та нар бидний адил энэ нутгийн сахигчид боллоо. Энэ газар нутаг та нарынх болог. Гэхдээ бидэнд үнэнчээ илэрхийлэн, уул усаа харж явахаа андгайлан тангараглагтун. Тэгээд энэ тангарагаа жил бүр сэргээж бай гэжээ.

Хүмүүс бид ч тэр тангаргаа үеийн үед умарталгүй сахисаар байгаа бөгөөд жил бүр уулын оройд гарч, сүү саалийнхаа дээжийг өргөн, уул усны эздээс зөвшөөрөл хүсдэг болсон билээ. Ингэж уул ус тахих ёс үүссэн гэдэг.

Харин хүмүүс, өөрсдийг нь зоригжуулан дагуулсан баатар бүсгүйн нэрээр хамгийн үзэсгэлэнт голоо нэрийдээд, уул усаа жил тойрон харуулдан нүүж, амьдардаг болсон гэнэ.

Дашрамд хүсэхэд: https://www.m-book.mn/kino-bolohgui-zoligiin-oguulleguud линкээр бичсэн номыг минь авч уншихаа мартуузай!
copy

🐍 Могойг буруу баривал...
Нагаржуна богд ингэж анхааруулжээ.

"Хоосон чанарыг буруу ойлговол, хүн өөрийгөө сүйтгэнэ. Могойг буруу баривал өөрийгөө хордуулдгийн адил."

Энэ нь хоосон чанар аюултай гэсэн үг биш.
Харин хоосон чанарыг буруу ойлгох нь аюултай гэсэн үг.

Хэрэв:
• "Юу ч байхгүй юм байна."
• "Сайн муу ялгаа байхгүй юм байна."
• "Үйл, үрийн хууль хэрэггүй юм байна."
гэж ойлговол энэ нь
Буддын хоосон чанар биш.

Буддын сургаалд хоосон чанар (śūnyatā) гэдэг нь:
Юмс өөрийн гэсэн бие даасан, өөрчлөгдөшгүй мөн чанаргүй. Харин харилцан шүтэн барилдлагаар оршдог.
гэсэн утгатай.

Тиймээс хоосон чанарыг зөв ойлгох тусам:
• барилдлага суларна,
• нигүүлсэхүй нэмэгдэнэ,
• билгүүн ухаан тодорно.

Харин буруу ойлговол:
• нигилизмд унаж,
• хариуцлагаа алдаж,
• өөрийгөө төөрөгдөлд оруулна.

🐍 Могойг зөв баривал эм болно.
🐍 Буруу баривал хор болно.

Хоосон чанар ч мөн адил.
Тиймээс зөвхөн "хоосон" гэдэг үгийг бус, түүний утгыг таних нь чухал.
💙🙏☀️
хуулбар

ЭРХЛҮҮЛЭХИЙН АЧ ТУС

"Эрхийн балай" болно гэж айлтгүйгээр хүүхдээ тэвэрч, үнсэж, өхөөрдөж, бүүвэйлж, өөртөө нааж байх нь олон ач тустай.

1. Эрхлүүлсэн хүүхэд нойр, хоолондоо сайн байдаг. Мөн унтах, сэрэх цаг нь тогтвортой бөгөөд тогтмол байдаг аж.

2. Эрхлүүлсэн хүүхдийн амьсгал, зүрхний цохилт жигд байдаг.

3. Эрхлүүлсэн хүүхэд алсдаа стресстэй тэмцэх чадвараараа илүү хүн болж төлөвшдөг.

4. Эрхлүүлсэн хүүхдэд нийгмийн харилцааны гормон илүү их ялгардаг тул эрт нийгэмшиж, өөрийгөө илэрхийлж сурдаг.

5. Эрхлүүлсэн хүүхдийн тархины хөгжил жигд хэвийн байдаг.

6. Хүүхдээ эрхлүүлж тэвэрч энхрийлж байгаарай. Уян зөөлөн ааштай болж тайван амгалан болдог.

7. Бас өөрийн тань энерги маш сайн сэргэж илүү их эрч хүчтэй болдог.

8. Өдөржин ядарсан стресс алга болж зүрх сэтгэлд тань хайр дүүрч баяр баяслаар дүүрэх болно.

🌼🌼🌼ӨӨРИЙН БИШ ДҮРД УДААН АМЬДРАХ ТУСАМ…
Хүн заримдаа бусдад таалагдах гэж, хүлээн зөвшөөрөгдөх гэж, эсвэл хэн нэгнийг алдахгүй гэж өөрийн биш дүрд орж амьдардаг.
Дуугүй байх ёстой үедээ биш,
харин үнэнээ хэлэхээс айсандаа дуугүй болдог.
Инээмсэглэхийг хүсээгүй үедээ ч инээж,
дургүй зүйлдээ зөвшөөрч,
өөрийн мэдрэмжээ нууж,
бусдын хүссэн хүн болохыг хичээдэг.

Гэвч өөрийн биш дүрийг удаан хугацаанд бүтээж амьдрах тусам хүн дотроосоо ядарч эхэлдэг.
Учир нь гаднаа нэг хүн мэт харагдавч, дотроо өөр хүн байх нь сэтгэлд үл үзэгдэх зөрчил үүсгэдэг.
Харин өөрөөрөө байна гэдэг хүн бүрт таалагдана гэсэн үг биш.

Чиний үнэнч байдал, хил хязгаар, өөрчлөлт зарим хүнд таалагдахгүй байж болно. Зарим нь чамайг урьдын адил өөрсдөд нь тохирсон дүрээрээ байхыг хүсэж магадгүй.
Гэхдээ бусдад таалагдахгүй байх нь үргэлж буруу гэсэн үг биш.

Өөрийнхөөрөө байснаар зарим хүний дургүйцэл төрж болох ч, чи өөрийгөө үгүйсгэж, дотроо өөртэйгөө тэмцэх шаардлагагүй болдог.
Бусдад таалагдах гэж өөрийгөө алдах нь дотоодод илүү их хор үлдээдэг.
Харин өөрийн үнэт зүйл, мэдрэмж, хил хязгаараа хүндэтгэн өөрөөрөө байх нь заримдаа ганцаардуулж болох ч дотоод амар амгаланд илүү ойртуулдаг.

Чи хүн бүрт таалагдахын тулд төрөөгүй.
Чи өөрийгөө алдахгүйгээр амьдрахын тулд төрсөн.
#ӨөрөөрөөБайх
#ӨөрийгөөТаних
#ӨөрийгөөХүндлэх
#ДотоодАмарАмаргалан
#ХувьХүнийХөгжил
#ДотоодӨсөлт
#ХилХязгаар
#ӨөрийгөөОлох
#УхамсартайАмьдрал
#ЖинхэнэБи
#ӨөрийгөөҮгүйсгэхгүй
#СэтгэлЗүйнЭрүүлМэнд

Та хэнд ч өөрийгөө баталж, нотлох гэж хичээх хэрэггүй.
Таныг ямар өнцгөөс харж, юу гэж дүгнэж, хэрхэн хүлээж авах нь тэдний дотоод ойлголт, үзэл бодол, амьдралын туршлагын тусгал юм.

Харин таны хийх зүйл бол
өөрийнхөө үнэ цэнийг бусдад ойлгуулах гэж тэмцэх биш,
өөрийн үнэн мөн чанартаа үнэнч байж,
чимээгүйхэн өсөж, хөгжиж, гэрлээ улам тодруулах.
Хүн бүр таныг ойлгох албагүй.

Хүн бүр таныг зөвөөр харах ч албагүй.
Гэхдээ та өөрийгөө мэддэг,
өөрийнхөө замд итгэдэг,
сэтгэлээ зөв авч явж чаддаг байхад хангалттай.
Өөрийгөө тайлбарлах гэж бүү ядраарай.
Өөрийгөө батлах гэж бүү зүтгээрэй.
Та зүгээр л өөрийнхөөрөө байж,
өөрийнхөө хэмнэлээр хөгж.

Учир нь таны гэрэл тодрох тусам
таныг үнэхээр хардаг хүмүүс
өөрсдөө таньж, мэдэрч эхэлнэ. ✨
#байгаль #баясалгалхайрдавтамжмөрөөдөл
#МЭДРЭМЖТЭЙ