TAGA DAVAO

REDDIT, IBINUNYAG NA SINUBUKAN IPATANGGAL NG NBI AT PNP ANG ILANG POST TUNGKOL SA KORUPSYON NG GOBYERNO

Ibinahagi ng Reddit sa kanilang transparency report mula July hanggang December 2025 ang pagsubok ng gobyerno ng Pilipinas na ipatanggal ang ilang mga post sa kanilang social media platform.

Sa nasabing report, nakatanggap ang Reddit ng 12 removal request mula sa National Bureau of Investigation (NBI) at Philippine National Police (PNP) kung saan ay 74 na post ang gusto nilang ipabura.

Ayon sa Reddit, hindi nila tinanggal ang mga nasabing post na tungkol umano sa mga akusasyon laban sa ilang opisyal ng gobyerno at mga kilalang personalidad.

Iginiit ng Reddit na hindi nila binubura ang mga content na may kinalaman sa pambabatikos sa mga kilalang personalidad at mga akusasyon ng korupsyon.

"None of the reported content was removed as there were no Reddit Rules violations and the content involved criticism of public figures, claims of their involvement in corruption, and general commentary on newsworthy events," ani Reddit.

Sa ngayon ay humaharap ang Reddit sa isang banta matapos silang obligahin ng gobyerno na magtayo ng opisina sa Pilipinas kung ayaw nilang matigil ang operasyon nila sa Pilipinas.

Ccto: