BHS Caloocan Korsocot

🚨 OPONG NAG LANDFALL NA SA PILIPINAS; LUMIKAS SA MGA EVACUATION CENTER KUNG KINAKAILANGAN 🚨

⛈️ Ayon sa DOST-PAGASA, nag-landfall ang Severe Tropical Storm Opong sa Eastern Samar 11:30 ng gabi ng September 25. Magpapatuloy ito sa pagtahak sa Masbate, Sibuyan Sea, katimugang bahagi ng CALABARZON, at hilagang bahagi ng MIMAROPA bago tuluyang lumabas sa West Philippine Sea ngayong gabi o bukas ng umaga (27 Setyembre).

🏘️ Nasa 389 ang bilang ng evacuation center na nakahanda at ginagamit ng mga pamilyang lumikas dahil sa bagyo ayon sa report ng NDRMMC.

‼️ Sundin ang mga abiso ng inyong lokal na pamahalaan at agad lumikas kung kinakailangan. Siguraduhin ding manatiling ligtas at malusog habang nasa evacuation center, lalo na kung magtatagal ang pananatili rito.

✅ Magsuot ng face mask at takpan ang bibig kapag babahing o uubo
✅ Ugaliing maghugas ng kamay bago kumain at pagkatapos gumamit ng palikuran
✅ Hangga't maaari, gumamit lamang ng personal na gamit
✅ Uminom lamang ng malinis na tubig; gumamit ng chlorine tabs kapag hindi tiyak ang kalinisan ng inumin
✅ Panatilihing malinis ang kapaligiran at sarili kapag may pagkakataon
✅ Agad lumapit sa health worker kung may nararamdamang lagnat, ubo, sipon, o iba pang sintomas.

Sources:
PAGASA Tropical Cyclone Bulletin No. 15
NDRMMC Situational Report No. 17

DOH: PANATILIHING MALINIS AT LIGTAS ANG EVACUATION CENTER

Sa kasalukuyan, pumalo na sa halos 95,000 katao ang lumikas sa mga evacuation center simula nang manalasa ang magkakasunod na bagyong Mirasol at Nando, kasama na ang Severe Tropical Storm Opong na kasalukuyang binabaybay ang Kabisayaan.

Babala ng DOH, ang maruming kapaligiran ay maaaring magdulot ng samu’t saring sakit gaya ng leptospirosis, dengue, at pagtatae; pinaaalalahanan ang publiko na panatilihing malinis ang paligid, lalo na kung nasa evacuation center.

👉 Para sa evacuees at mga namamahala ng evacuation centers, siguruhing sundin ang mga payong ito:

✔️ Magtapon ng basura sa tamang lalagyan
✔️ Ihiwalay ang nabubulok at di-nabubulok na basura
✔️ Gumamit ng sariling reusable na kubyertos hanggat maaari
✔️Ipagbigay-alam kung puno na ang basurahan o kaya’y ilagay ito sa tamang lugar

💡 Tandaan: Ang mahigpit na pagpapatupad ng kalinisan ay proteksyon laban sa sakit at proteksyon ng buong komunidad.

Source: DSWD DROMIC Report No. 18 (as of 6AM, 9/26/25), PAGASA Tropical Cyclone Bulletin No. 16 (as of 8AM, 9/26/25)

𝐌𝐀𝐆𝐈𝐍𝐆 𝐇𝐀𝐍𝐃𝐀 𝐒𝐀 𝐏𝐎𝐒𝐈𝐁𝐋𝐄𝐍𝐆 𝐀𝐅𝐓𝐄𝐑𝐒𝐇𝐎𝐂𝐊𝐒 𝐌𝐔𝐋𝐀 𝐒𝐀
𝐋𝐈𝐍𝐃𝐎𝐋 ‼

Isang magnitude 7.6 na lindol ang yumanig sa Davao Oriental at mga karatig nitong probinsya pasado 9am. Nagbabala ang PHIVOLCS ng posibilidad ng mga aftershock na maaaring magdulot ng karagdagang pinsala sa mga gusali at kabahayan.
Paalala ng DOH: Maging alerto at mag-ingat mula sa aftershocks at tsunami dulot ng lindol.

𝐌𝐆𝐀 𝐃𝐀𝐏𝐀𝐓 𝐆𝐀𝐖𝐈𝐍 𝐏𝐀𝐑𝐀 𝐋𝐈𝐆𝐓𝐀𝐒 𝐒𝐀 𝐀𝐅𝐓𝐄𝐑𝐒𝐇𝐎𝐂𝐊𝐒:

✅ Gamitin ang first aid kit kapag may sugat sa katawan at humingi ng tulong kapag kailangan ng atensyon medikal.

✅ Suriin ang bahay para sa anumang sira at bitak. Tignan kung may tagas ang gas tank at isara agad ang main switch.

✅ Iwasan ang mga gusaling may bitak, nakalaylay na kuryente, lupang maaaring gumuho, at dalampasigan

✅ Ihanda ang Go Bag kung sakaling kailangan lumikas.

✅ Bantayan ang abiso ng lokal na pamahalaan.

🎒𝐈𝐇𝐀𝐍𝐃𝐀 𝐀𝐍𝐆 𝐆𝐎 𝐁𝐀𝐆 𝐏𝐀𝐑𝐀 𝐒𝐀 𝐌𝐀𝐁𝐈𝐋𝐈𝐒 𝐍𝐀 𝐏𝐀𝐆𝐋𝐈𝐊𝐀𝐒 𝐒𝐀𝐊𝐀𝐋𝐈𝐍𝐆 𝐌𝐀𝐆𝐊𝐀𝐑𝐎𝐎𝐍 𝐍𝐆 𝐓𝐒𝐔𝐍𝐀𝐌𝐈🎒

Matapos ang magnitude 7.5 na lindol na yumanig sa Davao Oriental at mga karatig nitong probinsya kaninang 9am, nagtaas ng tsunami warning ang PHIVOLCS sa mga probinsya ng: Eastern Samar, Southern Leyte, Leyte, Dinagat Islands, Surigao del Norte, Surigao del Sur, at Davao Oriental.

❗️Paalala ng DOH, ihanda na agad ang Emergency GO BAG sakaling kailangang lumikas dahil sa posibleng tsunami sa iyong lugar.❗️

✅ Gamitin ang larawan bilang gabay sa pagkumpleto ng mga importanteng gamit na laman ng inyong Emergency GO Bag.
Sa panahon ng sakuna, maaaring tumawag sa:

🚨 Emergency Hotline 911
📞 DOH Hotline 1555, press 3

🧼 Ang Oktubre 15 ay 𝐆𝐥𝐨𝐛𝐚𝐥 𝐇𝐚𝐧𝐝𝐰𝐚𝐬𝐡𝐢𝐧𝐠 𝐃𝐚𝐲!💧

Sa dami ng ating hinahawakan araw-araw, hindi natin alam kung saan nagtatago ang mikrobyo. Kaya’t ugaliing maghugas ng kamay.

Simpleng hakbang lang, pero malaking proteksyon laban sa sakit. Sa bawat paghuhugas ng kamay, pinapangalagaan mo hindi lang ang sarili mo, kundi pati ang kalusugan ng buong pamilya.

Para sa Isang Healthy SOCCSKSARGEN Region 💚

‼️”TRANGKASO BYE-BYE!” CAMPAIGN KONTRA FLU, INILUNSAD NG DOH‼️

Maghugas ng Kamay, Trangkaso Bye-Bye!
Magpahinga sa Bahay, Trangkaso Bye-Bye!
Kumain ng Prutas at Gulay, Trangkaso Bye-Bye!—ito ang mensahe ng DOH sa kampanya nitong “Trangkaso Bye-Bye” na inilunsad bilang bahagi ng tamang edukasyon sa pag-iwas sa trangkaso o flu.

Nauna nang inihayag ng DOH na bagamat walang outbreak, nasa flu-season pa rin ang bansa mula sa panahon ng tag-ulan nitong Hunyo hanggang sa kasalukuyang pagpapalit ng monsoon season papuntang Amihan.

Batay sa latest surveillance ng DOH, nakapagtala ng 6,457 kaso ng Influenza-Like Illness (ILI) mula Setyembre 28 hanggang Oktubre 11, 2025, na 25% mas mababa kumpara sa 8,628 kaso sa kaparehong panahon noong 2024.

Ang ILI ay isang matinding impeksyon sa paghinga na dulot ng mga virus tulad ng Influenza A at B, Respiratory Syncytial Virus (RSV), at Rhinovirus.

Sentro sa kampanyang Trankaso Bye-Bye! ang mga simpleng gawain para makaiwas sa pagkakasakit.

Ngayong buwan ng Oktubre, ating ipagdiwang ang 𝐁𝐫𝐞𝐚𝐬𝐭 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 💗🎀

Ang maagang pagkilala sa mga sintomas ng breast cancer ay mahalagang hakbang upang maagapan ito. Huwag balewalain ang anumang pagbabago sa dibdib. Magsagawa ng regular breast self-examination at magpa-screening sa pinakamalapit na health facility. 🌸

🩺 I-scan ang QR code o pumunta sa linktr.ee/DOHCancerSupport para malaman ang mga breast cancer services ng Philhealth Z-Benefits, PWD ID, CAF Access Sites, at CSPMAP Access Sites.

Sama-sama nating itaas ang kamalayan, palakasin ang suporta, at lumaban laban sa breast cancer! 💪Para sa isang Healthy SOCCSKSARGEN Region 💚