Production Group

🛑 ٹیکسٹائل ملز میں گرمی کا عذاب: حقیقت کیا ہے؟ 🤔🔥
​آج کل شدید گرمی کا موسم ہے اور مختلف ٹیکسٹائل ملز سے لگاتار یہ شکایات موصول ہو رہی ہیں کہ ورکرز کے لیے اندر کام کرنا محال ہو چکا ہے۔ لیکن حقیقت یہ ہے کہ یہ صرف موسم کی گرمی نہیں، بلکہ ملوں کے اندر کا نظام بھی اس کا ذمہ دار ہے۔ ٹیکسٹائل ملز میں اس شدید گرمی کے پیچھے دو بڑی وجوہات ہیں:
​1️⃣ کمپنی کی بچت، مزدور کی آفت! 💰❌
​کئی ملوں سے یہ شکایات آ رہی ہیں کہ انتظامیہ اپنے چند پیسے بچانے اور بجلی کا بل کم کرنے کے لیے چِلر (Chillers) اور کولنگ سسٹم چلانے سے گریز کرتی ہے۔ ادھر مالکان کے پیسے بچ رہے ہوتے ہیں اور ادھر اندر کام کرنے والا مزدور پسینے میں شرابور ہو کر نڈھال ہو رہا ہوتا ہے۔ کیا مزدور کی صحت کی قیمت ان چند پیسوں سے بھی کم ہے؟
​2️⃣ "کھاتا گرم رکھنے" کا عجیب فلسفہ! ⚙️🤒
​دوسری بڑی وجہ مل کے اندر موجود کچھ ڈیوٹی انچارجز کا یہ عجیب و غریب فلسفہ ہے کہ "اگر کھاتا (ڈپارٹمنٹ) گرم رہے گا، تو مال صحیح چلے گا!" اس لکیر کے فقیر والے نظریے کے چکر میں وہ کولنگ بند کروا دیتے ہیں۔ مشین تو شاید ان کے حساب سے صحیح چل جاتی ہے، لیکن اس مشین کو چلانے والا انسان اس حبس اور گرمی میں پگھل جاتا ہے۔
​📢 مل مالکان اور انتظامیہ سے اپیل:
مختلف ملوں سے آنے والی یہ شکایات اس بات کا ثبوت ہیں کہ اب پانی سر سے اوپر ہو چکا ہے۔ مشینیں تو نئی مل جائیں گی صاحب، لیکن اگر اس گرمی کے عذاب میں کسی غریب مزدور کو کچھ ہو گیا، تو اس کے گھر کا چولہا بجھ جائے گا۔ خدارا! مشینوں کے ساتھ ساتھ انسانوں کے بارے میں بھی سوچیں اور کولنگ کا مناسب انتظام کریں۔
​