Abeer Sinder

بطبيعتنا نكبر 💜

سندر كيدز بالنسبة ليا عمرها ما كانت مجرد مشروع أو براند لمنتجات الشعر… هي رسالة بدأت من قلبي قبل ثلاث سنوات. 🥹💜

بدأت سندر عشان كنت أبغى أولادي يكبروا وهم يحبوا نفسهم زي ما هم، يحبوا شعرهم على طبيعته، يعرفوا كيف يهتموا فيه، والأهم من دا كله… يفتخروا بيه!

واليوم، بعد ثلاث سنوات، مو بس أولادي اللي كبروا… سندر كمان كبرت معانا، وصارت مساحة تجمعنا كلنا على نفس الرسالة. 💜

إننا نربي جيل يحب نفسه، وواثق من جماله، وعارف إنه مو محتاج يغيّر أي شيء في شكله عشان يكون جميل.

إنت حلو زي ما إنت، وإنتِ حلوة زي ما إنتِ، وشعرك جزء من جمالك وهويتك. 💜

واليوم نكمل رحلتنا مع جيل جديد، بنفس الروح، ونفس القوة، ونفس الحماس، ونفس الحب اللي بدأنا بيه من أول يوم.

وأخيرًاااا! 😭💜

منتجات SNDR Kids صارت متوفرة الآن على موقعنا .. الرابط فالبايو ! 🛍️

يلا نكمل الرحلة سوا… ونكبر بطبيعتنا. 🌸

رسالة من قلبي لكل البراندات والشركات اللي تواصلت معايا خلال الفترة الماضية 🤍

حابة أقدم اعتذاري لكل براند أو جهة تعاون ما تم الرد عليها، أو ما أخذت الاهتمام والمتابعة اللي تستحقها من قبل مساعدتي السابقة منال.

للأسف، اكتشفت مؤخرًا إن في فرص تعاون ورسائل كثيرة ما وصلتني أو ما تمت متابعتها بالشكل الصحيح، وحابة أوضح إن هذا التصرف أبدًا ما يعكس شخصيتي ولا طريقتي في التعامل مع الناس والشركات اللي تثق فيني وتختار تشتغل معايا.

أنا أقدّر كل فرصة تعاون تجيني، سواء كانت كبيرة أو صغيرة، وأعتز بكل علاقة مهنية أبنيها. 🤍

أتمنى من كل قلبي إن أي تجربة سابقة غير موفقة ما تكون سبب في إغلاق باب التعاون بيننا، لأني فعلًا متحمسة جدًا لفرص جديدة وشراكات جميلة معاكم في المستقبل! 🥹❤️

وشكرًا لكل شخص وثق فيني وتفهم الموقف.

بكل حب،
عبير سندر 🤍

A little message to all the brands and companies who have reached out to me. 🤍

I sincerely apologize to anyone who was ignored, overlooked, or didn’t receive proper communication from my former assistant, Manal.

Unfortunately, many messages and collaboration opportunities never reached me, and I want you to know that this does not reflect who I am or how I value my professional relationships.

I truly appreciate every opportunity and would absolutely love to reconnect and explore future collaborations together! ❤️

Thank you for your understanding and continued support.

With love,
Abeer Sinder 🤍

بنات مين تعاني زيي من البشرة اللي تزيّت بسرعة؟ 😩💚 خصوصًا مع الحر والرطوبة، أحس دوبني غاسلة وجهي وبعد شوية تبدأ الجبهة والأنف تلمع! 😭

بس تعرفوا إيش اكتشفت؟ مو الحل إننا نغسل وجهنا كل شوية، الأهم إننا نختار المنتجات المناسبة لنوع بشرتنا! ✨

وعشان كدا حبيت أشارككم روتين BIODERMA Sébium للبشرة الدهنية والمختلطة، من ٣ خطوات بسيطة تساعد على التحكم بالدهون الزايدة وتقليل مظهر المسام واللمعان! 😍

💚 الخطوة الأولى: Sébium Gel Moussant
غسول ينظف البشرة من الشوائب والدهون الزايدة، ويساعد على تنقية المسام وتوازن البشرة.

💚 الخطوة الثانية: Sébium Lotion
بعد الغسول أحط منه على قطنة وأمسح بشرتي، يساعد على تنظيم الإفرازات الدهنية وتقليل مظهر المسام.

💚 الخطوة الثالثة: Sébium Pore Refiner
أوزعه على منطقة الـ T-Zone، يعني الجبهة والأنف والذقن، عشان يساعد على تقليل مظهر المسام الواسعة واللمعان.

وأهم شي يا بنات، مو كل لمعان يعني نضارة! 🤭✨ العناية الصح تبدأ لما نفهم احتياجات بشرتنا ونختار لها المنتجات المناسبة.

قولولي، مين أكثر شي يتعبها لمعان الجبهة والأنف؟ ولا وجهكم كله يزيّت؟ 😂💚

#بيوديرما

افكّر بك كثيرا 🤍🥹…
عبير الصغيرة ، اظن انك فخورة بيا

ايش حتختارو؟ 😍

النظام الغذائي و جدول التمارين راح ينزل اخر الاسبوع 🤍✨ Liam ..
Meal plans and workout schedule will be out at the end of the month 🤍 Liam

أول ما سافرت، جاني شعور غريب بتأنيب الضمير… وحتى شوية خجل اني سبت عيالي وسافرت 🥹 مع انها كانت سفرة شغل أصلًا! بس قررت آخذ يوم واحد منها لنفسي، أروق و انبسط و اعيش شوية بدون مسؤوليات.

ولقيت نفسي أفكر… يا ترى عيالي كويسين؟ يا ترى غلط إني قاعدة مبسوطة وهما مو معايا؟ هل المفروض اكون معاهم بدل ما أكون هنا؟

وبعدين فجأة استوعبت شي…

هما مو لحالهم! هما مع أبوهم! 😂

وكم مرة زوجي سافر وأنا جلست مع عيالنا لحالي؟ وكم مرة طلع وغير جو وعاش حياته بدون ما يحس انو لازم يبرر أو يحس بتأنيب ضمير؟

لأنه عارف إنهم مع أمهم وبأمان

ابغا افهم لما الأب يجلس مع عياله نقول «ما شاء الله عليه، يساعد زوجته»؟ و ننسى انهم عيالو كمان

استوعبت إن جزء كبير من تأنيب الضمير اللي نحس فيه مو جاي من تقصيرنا، جاي من توقعات المجتمع اللي خلتنا نربط الأمومة بالتضحية المستمرة، وكأن الأم الكويسة هي اللي تنسى نفسها تمامًا عشان عيالها.

بس أنا أحب عيالي و اموووت فيهم، وأحب كمان أكون عبير، مو بس ماما. أحب اسافر و اشتغل و انبسط وأعيش تجارب جديدة،

والأهم إني ابغا عيالي يكبروا وهما عارفين انو ماما عندها أحلام وحياة وطموحات، وإن الأب والأم شركاء في التربية، مو واحد مسؤول والثاني «يساعد».

فخلونا نوقف نعامل راحة الأم كأنها أنانية، ومسؤولية الأب كأنها إنجاز خارق. 🤍

والله إننا نستاهل ننبسط بدون ما نجلد ذاتنا كل مرة! 😂

قولولي يا أمهات، قد حسيتوا بتأنيب ضم

وبعدين قالت ؛ " ما تحسو انكم ممكن تكونو حساسين شوي ؟ " انا و مها و هديل خلاص منهارين 😮‍💨😂😭