waheed Tv786

*`اپنے دن کا آغاز اکرم التفاسیر سے کریں`*
*💚تفسیرِ قرآن: اکرمُ التّفاسِیر، قسط نمبر:158، پارہ :4، سورة آل عمران رکوع 14 آیات: 135🌹*
*`مفسر: حضرت مولانا امیر محمد اکرم اعوان رحمۃ اللہ علیہ`*

🌿انسان سے کوتاہی ہو ہی جاتی ہے نافرمانی ہو ہی جاتی ہے انسان غصے میں آ کر کچھ کر ہی گزرتا ہے۔ کبھی لالچ میں آ کر کبھی خوف اور دباؤ میں آ کر وہ کر گزرتا ہے جو اسے نہ کرنا چاہیے تھا لیکن اگر گناہ ہو گیا تو اسے فوراً عظمت الٰہی کو دل میں لانا چاہیے۔ اللہ سے معافی طلب کرنی چاہیے۔ *وَمَنْ يَّغْفِرُ الذُّنُوْبَ اِلَّا اللہُ* تو پھر اللہ کے سوا کون ہے جو بخشے گا! لیکن اگر وہ اکڑ گیا کہ نہیں میں ایسا ہی کروں گا پھر جرم کی نوعیت ہی بدل جاتی ہے۔ قرآن حکیم بتاتا ہے کہ حضرت آدم علی نبینا علیہ السلام سے خطا ہوئی اور جیسے ہی انھوں نے یہ ممنوعہ پھل کھایا تو اللہ کریم کی طرف سے ارشاد ہوا کہ آپ کو پہلے سے منع کر دیا گیا تھا اور اس ضمن میں شیطان کے دھوکے سے بھی خبردار کیا گیا تھا تو پہلی بات جو انھوں نے کی وہ یہ تھی۔🌸🌸
🌿 *رَبَّنَا ظَلَمۡنَاۤ اَنۡفُسَنَا ٜ وَ اِنۡ لَّمۡ تَغۡفِرۡ لَنَا وَ تَرۡحَمۡنَا لَنَکُوۡنَنَّ مِنَ الۡخٰسِرِیۡنَ* (سورۃ الاعراف:23) اے اللہ ہم نے اپنے آپ پر بڑی زیادتی کی اب تیری بخشش اور مغفرت کی ضرورت ہے تو اگر بخشے گا نہیں تو ہمارے پلے کچھ نہیں بچے گا۔🌸🌸
🌿دوسرا انداز ہے اکڑنے کا، شیطان سے نافرمانی ہوئی اس نے سجدہ نہ کیا جب اللہ نے باز پرس کی تو اکڑ گیا اور دلائل دینے لگا کہ اگر میں نے سجدہ نہیں کیا تو ٹھیک کیا ہے کیونکہ میں اس سے بہتر ہوں۔ *خَلَقْتَنِىْ مِنْ نَّارٍ وَّخَلَقْتَهٝ مِنْ طِيْنٍ* مجھے آپ نے آگ سے بنایا ہے اور اسے آپ نے کیچڑ مٹی سے بنایا ہے۔ *خَلَقْتَنِىْ مِنْ نَّارٍ وَّخَلَقْتَهٝ مِنْ طِيْنٍ* (سورۃ الاعراف:12) اور پھر کہنے لگا جس طرح تو نے مجھے گمراہ کر دیا ہے یعنی تو نے مجھ سے یہ گناہ کروایا ہے اگر تو نہ چاہتا تو میں کیوں کرتا۔ یہ نہیں کہ اپنے جرم کو اپنی غلطی کو تسلیم نہیں کیا بلکہ اس کے جواز میں دلائل دینے لگ گیا اور بالآخر اپنے کہے کو اللہ کے ذمے ڈال دیا تو اس رویے پر اللہ نے اسے راندہ درگاہ کر دیا اور وہ مردود ہو گیا۔🌸🌸
🌿آج بھی یہ رویہ دیکھا جا سکتا ہے اور ایک عام رواج ہو گیا ہے کہ کوئی قتل کر دے یا ڈاکہ ڈالے کہتے ہیں بس اس کے لیے ایسا ہی لکھا ہوا ہے اگر اللہ نہ چاہتا تو ایسا کیوں ہوتا۔ اگر ایسا ہوا تو یہ اللہ کی ہی مرضی ہے، تقدیر ہی ایسی تھی یعنی اپنا جرم ماننے کی بجائے اپنے گناہ کو اللہ کریم کے ذمے لگا دیتے ہیں حالانکہ اللہ تو روک رہا ہے اللہ کا رسولؐ روک رہے ہیں۔🌸🌸
🌻*---*---*---*🌻*---*---*---*🌻

*`اپنے دن کا آغاز اکرم التفاسیر سے کریں`*
*💚تفسیرِ قرآن: اکرمُ التّفاسِیر، قسط نمبر:157، پارہ :4، سورة آل عمران رکوع 14 آیات: 135🌹*
*`مفسر: حضرت مولانا امیر محمد اکرم اعوان رحمۃ اللہ علیہ`*

🌿ہر گناہ خود اپنے اوپر زیادتی ہے ظلم ہے اور ہر گناہ و زیادتی اللہ کی ناراضگی کا سبب بنتی ہے۔ اللہ کی ناراضگی اس کی رحمت سے دور کرنے کا سبب بنتی ہے اور رحمت الٰہی سے محرومی اللہ کے عذاب کو دعوت دیتی ہے۔ اس ضمن میں صاحب روح المعانی نے لکھا ہے کہ ذکرُ اللہ یا اللہ کی یاد یہ نسیان کے مقابلے میں آتا ہے کہ جب ذکر نہیں ہو گا تو نسیان ہو گا۔ نسیان کا معنی ہے بھول جانا۔ جب بھی اللہ کی عظمت چند لمحے نگاہوں سے اوجھل ہو گی، چند لمحے بھی دل سے اتر جائے گی تو وہی لمحات بندے کو گناہ میں ظلم میں مبتلا کر دیں گے تو اس بھول جانے کا علاج یہی ہے کہ پھر عظمت الہی کو دل میں لائے۔ اس کی یاد کو دل میں لائے اللہ کا ذکر کرے۔ اور جو ذکرُ اللہ کرتے ہیں اللہ کی عظمت ان کے سامنے آ جاتی ہے اور انھیں سمجھ آ جاتی ہے کہ انھیں ایسا نہیں کرنا چاہیے تھا۔🌸🌸
🌿علماء کرام نے صغیرہ اور کبیرہ گناہوں کی فہرست بنائی ہے تاکہ مومنین گناہوں سے بچیں۔ گناہوں سے بچنے کی ایک دوسری صورت بھی ہے وہ یہ ہے کہ انسان اس پہلو سے غور کرے کہ گناہ صغیرہ بھی ہو تو نافرمانی کس کی ہے کہ اسے اعتبار سے دیکھا جائے تو صغیرہ گناہ کو چھوٹا سمجھ کر کرنا ایک جرم بن جاتا ہے اور اتنا ہی بڑا جرم بنتا ہے جتنی بڑی ہستی کی نافرمانی کی ہے۔ دنیاوی نظام میں مثال دیکھی جا سکتی ہے کہ ایک چپڑاسی آپ سے بات کرتا ہے آپ اس کی بات نہیں مانتے لیکن جب کسی مجسٹریٹ کی بات آ جائے اور آپ اس کا انکار کریں تو نتائج کے اعتبار سے کتنا بڑا فاصلہ آ جاتا ہے کہ حاکم کے روبرو اس کا حکم نہ ماننا کتنا بڑا جرم ٹھہرتا ہے اس لیے ہر گناہ نافرمانی ہے اور نافرمانی اللہ کی ذات کی ہے اس حوالے سے دیکھا جائے تو کوئی گناہ صغیرہ نہیں رہتا ہر گناہ ہی بڑا جرم بن جاتا ہے۔ اللہ پاک نے ہر گناہ کی دوا ذکر اللہ ہی بتائی ہے کہ اللہ کی یاد کی جائے اللہ کی عظمت دل میں آئے پھر نافرمانی کرنے والا اپنے گناہ کی معافی مانگے۔ فَاسْتَغْفَرُوْا لِذُنُوْبِھِمْ اور اپنے جرم کی جب سمجھ آ جائے تو اس پر اصرار نہ کرے اکڑ نہ جائے اسے عادت نہ بنا لے۔🌸🌸
🌿انسان سے کوتاہی ہو ہی جاتی ہے نافرمانی ہو ہی جاتی ہے انسان غصے میں آ کر کچھ کر ہی گزرتا ہے کبھی لالچ میں آ کر کبھی خوف اور دباؤ میں آ کر وہ کر گزرتا ہے جو اسے نہ کرنا چاہیے تھا لیکن اگر گناہ ہو گیا تو اسے فورا عظمت الٰہی کو دل میں لانا چاہیے۔ اللہ سے معافی طلب کرنی چاہیے۔
🌻*---*---*---*🌻*---*---*---*🌻